(Dili), Mudansa – Ministeriu Edukasaun Joventude Desportu (MEJD), halo ona instalasaun rede internét ba eskola 66 iha munisípiu tolu tuir planu sei monta hotu iha eskola Ensinu Baziku Central, Ensinu Sekundariu Geral (ESG), no mós Tekniku Vokasional (TEKVOK), iha Timor laran tomak.
“Interne ba eskola EBC, ESG no mós TEKVOK iha Timor-Leste hamutuk 206, maibé munisípiu Dili, Baukau no Bobonaru, Ita instala ona rede internét ba eskola hamutuk 66 hela de’it eskola 140 mak ita seidauk, ita garantia ikus ba tinan ne’e sei instala hotu rede internét iha eskola hotu-hotu,”dehan Ministru Edukasaun Joventude Desportu Armindo Maia ba jornalista liu husi pres konferénsia iha MEJD Vila verde Dili, segunda 18/10/2022.
Ministru Edukasaun Armindo informa, Rede internét ne’ebé halo instalasaun iha eskola sira ne’e hetan apoiu husi kompaña telekomunikasaun Telkomcel no mós Telemor tanba ema hotu hatene mundu ohin loron bele aumenta koñesimentu liu husi internét.
“Ita-nia internét la’o lentu entaun ita apoiu tuir ita-nia kapasidade ne’ebé mak ita iha, bainhira halo tiha instalasaun rede internét, ita mós sei halo kontrolu oinsá labele uza internét ba buat seluk, tanba Ita-nia ekipa tékniku sei tun direita ba terenu hodi fó esplikasaun ba Diretor/á no profesór/á sira oinsá atu utiliza internét ho di’ak,” Armindo hakotu.
Jornalista : Ekipa MD
Editór : Orlando Magno
