(Dili), Mudansa – Prezidente Autoridade Munisipiu (PAM) Dili, Guilhermina Filomena Saldanha Ribeiro, PE-EGA, moris iha Dili, 22 Abril 1959, oan husi, Pai Miguel Ribeiro (matebian) eis mariñeiru, nu’udar fugueiro iha Ró Arbiru no maen Sebastiana Carrazedo Saldanha.
PAM Dili Gulhermina iha maun alin hamutuk na’in lima kompostu husi feto na’in rua no mane na’in 3 maibé nia hanesan feto boot (anak pertama) iha uma laran.
Iha tinan 1965, Prezidente Autoridade Munisipiu Dili Guilhermina Ribeiro hahu hala’o nia estudu iha Eskola Pre-Primaria Bidau, iha 1970, Eskola Primaria Bidau Dili, 1972 Eskola Sekundaria, Tekniku Eskola Prof, Dr. Silva Cunha, Dili, depois iha tinan 1975 nia Partisipasaun iha Kursu Jeral ba dala lima, iha Liseu Dr. Francisco Machado, Dili.
iha tinan 1977 – 1986 PAM Dili Guilhemina sai Asistente Administrativu, Biro KepegawaianTk . I, Propinsi Timor- Timur, remata iha mandatu ne’e.
Iha Tinan 1979 PAM Dili Guilhemina forma uma kain ho Mousinho Ferreira Barros, husi Ainaro-Manutaci, iha uma kain ne’e nia ko’us oan na’in 5, mane 3 no feto 2, no mós Dadaun ne’e nia hela iha Aldeia: Bidau Mota -Claran suku: Bidau Santana postu Administrativu Cristo-Rei Munisipiu Dili.
Iha tinan 1980-1999 nia mos inklina an hanesan Membru husi Grupu Santo Antonio Stare Bua Evil, maibe 1983 Nia tuir Kursu Jestaun Administrativa (Jeral Administrasaun), Jakarta – Indonezia , depois iha tinan 1986 -1999 simu fali poder foun hanesan Xefe Departamentu Promosaun no Dezenvolvimentu Rekursu Umanu (Kasubbag . Dezenvolvimentu diklat), Biro Kepegawaian Tk.I Provínsia Timor-Timur.
Iha 1999 nia servisu hanessn Xefe Departamentu Planu Dezenvolvimentu no Formasaun (Diklat Dezenvolvimentu Tasi), Bappeda Tk. I, Propinsi Timor- Timur.
Iha loron 16 Abril – 16 Maiu 1990 nia tuir Kursu kona-ba Jestaun no Tezouru (Bendahaearwan A), Dili, 1991 PAM Dili hanesan membru fó Informasaun ba OCR (Kordenador Rejional), 22 Agostu – 1 Setembru 1995, Kursu MOT (Jestaun Formasaun), Jakarta – Indonezia.
husi 1995 – 1998 Guilhemina sai hanesan Membru ne’ebé fó informasaun ba CEL/FC, too fali iha 1998 – Ofisial Informasaun iha rai-li’ur, membru husi OPMT Nasional no Responsavel fó ba OMT Lojistika ba Rejiaun (III), 24-17 Marsu 1997 Kursu AMT – Formasaun motivasaun atu hetan prestasaun motivasaun, Jakarta – Indonezia , 29 Setembru – 6 Outubru 1997 Kursu KAK – Analize nesesidade diklat, Durante okupasaun Indonesia PAM Dili kontinua ho nia estudu iha edukasaun naun- formál, diklat-Dili , 15 Janeiru – 14 Fevereiru 1998 Kursu ADUM, SISE Central School – Mosambike,
Dezembru 1998-1999 – Membru Komisaun Eventual ba Fonte Politika Internal (FPI) no Ofisial Informasaun iha rai-li’ur.
iha loron 1 – 4 Setembru 1999 PAM Dili sai hanesan Membru Fiskal CNRT nian iha konta votu.
31 Dezembru 2000-2001 Membru ba Komisaun fó Servisu Publiku (CISPE), Governu Tranzitoriu (UNTAET), iha loron 7-20 Fevereiru 2001 Kursu Informasaun (SIS Portugal) no Kursu Tekniku Operativu (SISE Eskola Sentral).
1 Fevereiru 2002 to’o 6 Janeiru 2005 Xefe Servisu Seguransa , Diresaun _ Seguransa Sivil Nasional , Jestaun Ahi no Dezastre , Ministeriu Administrasaun Interna,
7-19 Abril 2003 Kursu “Kursu Analiza no Metodolojia ba Presiza Formasaun”, iha INAP-Dili, no mos iha loron 11-29 Jullu 2005, Kursu nia tuir Jestaun fó Reforma Administrativa. Turin – Italia, 7 Janeiru 2005 to’o 7 Agostu 2007 Diretor Nasional iha ezersísiu , Diresaun Nasional Seguransa no Akreditasaun Edifisiu (DNSEA), Ministeriu Interior, Jullu 2006 to’o 8 Agostu 2007 Sekretariu Permanente, Ministeriu Interior.
PAM Dili Guilhermina antes ne’e, hala’o kursu edukasaun naun- formál iha INAP-Dili, 16-20 Janeiru 2006 Kursu Indusaun Jeral, ILO/Sentru ILO, UNTL-Dili, Esperiénsia seluk ne’ebé nia hetan mak hanesan, 2006-2008 – Ko-Xefe Reforma Setor Seguransa (reprezentante husi SES/MDS – Setor Seguransa), Partisipasaun durante Funu Rezistensia ba Libertasaun Timor-Leste,
Loron 8 Agostu 2007 – 22 Junu 2009 Diretor-Jeral Interinu , Sekretariu Estadu Seguransa (SES) / Ministeriu Defeza no Seguransa (MDS). Ministeriu Interior, 21 Janeiru 2011 to’o 31 Jullu 2019, Diretor Jeral Servisu Korporativu , Ministeriu Interior, 23 Junu 2009 to’o 20 Janeiru 2011 Diretora Nasional , Diresaun Seguransa Edifisiu Publiku (DNSEP), Sekretariu Estadu Seguransa (SES) / Ministeriu fó Defeza no Seguransa (MDS).
Iha Novembru 2011 – Membru Delegasaun Governu Timor-Leste (Reprezentante Ministeriu Interior) iha aprezentasaun Relatoriu Periodiku CEDAW nian iha Asembleia Jeral CEDAW iha Jenebra-Suisa, Setembru 2011 – Membru Konsellu Dezenvolvimentu Nasional Juventude (CNDJ) reprezenta Ministeriu Interior,
2011-2019 – Grupu Prezidente Grupu Serbisu Jeneru Nasional, Ministeriu Interior, 21 Agostu – 12 Dezembru 2012, Kursu Intersetivu Lian Portuges, Nivel C1/144 oras, INAP – Dili, 2 Setembru – 25 Novembru 2012 Kursu Lian – Pre – Intermediadu, Jakarta – Indonezia 1 Outubru – 19 Novembru 2012 Kursu Lideransa (Jestaun Dezenvolvimentu no Lideransa – ba Jeneru Publiku Senior sira), Yogyakarta – Indonezia
Novembru 2015 – Membru Delegasaun Governu Timor-Leste nian ho kapasidade reprezentante Ministeriu Interior nian iha aprezentasaun Relatoriu Periodiku CEDAW nian iha Asembleia Jeral CEDAW nian iha Jenebra-Suisa, Novembru 2016 – Membru Ekipa Governu Timor-Leste nian nu’udar reprezentante husi Ministeriu Interior iha aprezentasaun Relatoriu Periodiku kona-ba Direitus Umanus / UPR HR iha Jenebra-Suisa.
no mós nia remata universidade grau Lisensiadu iha Jestaun Publika , Fakuldade Siensia Sosial, aleinde nee iha tinan 2017 kontinua iha UNTL Post Graduate Economics and Management Applied, UNTL.
10-22 Abril 2017, Kursu Jestaun Dezastre no Planeamentu Emerjensia, ETDA – Dili , 17-21 Junu 2019 nia tuir Treinamentu Integradu Jestaun Risku no Knaar Auditor Internu (Jestaun Risku Terintegrasaun) no Auditoria iha Akizisaun no Fornesimentu Sasan no Patrimoniu (Auditasaun ba Sasan no Servisu). 2019 – Vogal Juri Promokao Grau Rejime Jeral Karreira Grau iha 2019 to’o 2020 nia mos halo servisu kona-ba Tekniku Senior (A/1deg), iha Diresaun Jeral Administrasaun no Finansas, CB; 2020 – Prezidente Juri Promosaun Gradu Rejime Jeral Karreira – BA grau; 2021 – Membru Rejime Jeral Kareira Gradu Promosaun Juridiku ED;
iha loron 1 – 21 Outubru 2020, Guilhemina sai henesan Tekniku Senior (A/1deg), iha Diresaun Jeral Administrasaun no Finansas , Ministeriu Planeamentu no Ordenamentu, Husi 2020 to’o 2021 PAM Dili Guilhermina hanesan Diretor Jeral Administrasaun no Finansas, Ministériu Planeamentu no Ordenamentu.
PAM Dili, Guilhermina Ribeiro hetan podér hanesan Prezidente Autoridade Munisipiu Dili iha loron 20 Setembru 2021 maibé antes ne’e nia iha esperiénsia lubuk tanba hala’o servisu iha fatin barak mak hanesan, mensiona iha leten.
Jornalista :Orlando Magno
