(Dili), Mudansa – Diretór Jerál Desenvolvimentu Rurál (DGDR), Rosito Guterres informa, nia parte hamutuk ho prezidente Autoridade Munisipiu Dili halo observasaun ba fatin turístiku ne’ebé dadaun ne’e kondisaun ladún, oinsá halo reabilitasaun ba fatin turizmu nune’e ba futuru bele furak liu tan.
“Ami ho Presidente Autoridade Dili hamutuk ho Enjineiru sira halo pre levantamentu atu ko’alia kona ba areadores husi sentru Turistiku hanesan Kristu Rei oinsá ita bele fó fila fali ninia furak iha futuru oin mai,” dehan DGDR Rosito ba Media Mudansa iha Kristu rei Dili, Segunda 19/09/2021.
Rosito afirma, Fatin turizmu barak mak hetan estragus tanba sidadaun balu mai sunu rai no balu soe lixu arbiru, karik drainajen la funsiona konserteza moru tenke monu tun.
Nia esplika, ambiente mosu dezastre naturais siclone seroja ne’ebé akontese iha tinan kotuk governu konsidera hanesan resposta emerjénsia ida tanba infraestrutura sira ne’e tuir loos di’ak hela maibé dezastre naturais akontese entaun nia hetan estragus
“Depoisde Kovid-19 turista sira komesa halo Movimentu ona tanba ne’e mak ami mai halo Levantamentu depois fila ba halo konkluzaun liu husi dezeñu sira atu Governu bele tau orsamentu adisionál hodi reabilita depois PAM Dili hamutuk ho Ministeriu relevante atu garantia ba sustentabilidade no jestaun sira iha futuru oin mai,” Rosito Esplika.
Nia haktuir, Levantamentu ne’e sira konsidera hanesan tipu de proposta adisionál entermus sentru turístiku ninian atu ba fontes orsamentu seluk hanesan Ministériu Finansas tanba rekomendasaun husi xefe estadu katak tenke tau atensaun ba sentru Turistiku sira ne’ebé mak eziste iha Dili.
“Ita tenke foti lai saida mak ita hetan iha terenu saida mak hetan estragus no nivel estragus ne’e to’o iha ne’ebé ita tenke identifika depois mak ami propoin orsamentu ba iha governante sira atu Kosenllu Ministru bele deside,” nia argumenta.
Rosito akresenta, sira foin haree de’it iha área Kristu rei nian seidauk ba iha jardín sira seluk maibé sei prepara inisiativa polítika no prevee osan Konsellu Ministru mak deside liu husi Ministeriu Finansas.
“Soe Lixu tenke kuidadu didi’ak la bele soe arbiru no la bele sunu ai iha fatin proibidu se fatin ne’e mak pasa feiras ho família sira tenke lori hahán tasak mak ba la bele ba sunu fali ai iha Kristo rei tanba fatin ne’e ita la bele sunu ai,” DGDR Rositto rekomenda.
Nune’e mós Diretor ne’e sujere, husu Ba sidadaun hotu ne’ebé vizita fatin Turistiku ne’e utiliza sasán tenke responsabilidade atu fatin ne’e kontinua di’ak tantu iha rai laran no mós Estrangeiru sira nia oin.
Jornalista :Ekipa MD
Editór : Orlando Magno
