(Dili) Mudansa – Diretór Ezekutivu Fundu Dezenvolvimetu Capital Humanu (FDCH-sigla potuges) Cristovão dos Reis informa, trabalhadór sira tenke servisu ho haraik -an no disciplina tanba ema ne’ebé sai sucesu iha mundu mak Disiplina, hara’ik an,no servisu maka’as.
“Ita bele dehan, ema ne’ebé susesu iha mundu no susesu iha buat hotu tanba, disiplina no servisu makaas, se laiha desiplina no la servisu maka’as sei la sucesu iha buat hotu,” dehan Cristovão ba jornalista iha Timor plaza kuarta (20/07/2022).
Cristovão esplika, ba alin mane no alin feto sira ne’ebe hamutuk nain 79, ne’ebé semana ne’e atu aranka ba servisu Hortikultura iha Australia, tenke disciplina, respeita tempu no halo gestaun ba tempu, tenke uja didiak tempu abinhira atu sai sucesu, la halo gestaun ba tempu mak preokupasaun la hotu.
Nia afirma, atu muda moris no muda familia sira nia moris ne’e, dificil tebes tamba familia sira tau ona esperansa ba imi entaun tenke servisu ho di’ak núne’e bele atinje ita bo’ot sira ninia mehi ne’ebé iha tiha ona.
“Susar tebes Atu muda moris ne’e maske inan aman sira tau ona esperansa mai ita entaun tenke servisu ho diak bele tulun fali inan aman no familia sira atu atinje ba mehi ne’e, tenke iha disiplina hodi servisu makaas,” Diretór FDCH Cristovão relata.
Traballadór Joanico Martins akresenta , nia sente kontente wainhira hetan tan opportunidade ba dala rua, tamba oportunidade ne’ebe nia hetan, hanesan osan mean ida ba nia ,tamba ema barak mak buka hela oportunidade ne’e maibe la hetan
“Ha’u kontente tebes bainhira hetan oportunidade ne’e, tamba ha’u mai husi familia ne’ebe simples no foho oan bele hetan oportunidade ba servisu iha Australia,” katak trabalhador Joanico
Nia realsa, antes ne’e Joanico servisu ona iha australia durante tinan rua, osan ne’ebé nia hetan durante servisu iha Australia nia halo uma ida hodi entrega tomak ba ninia katuas no ferik ,no selu nia ferik oan nia eskola, Kontratu hotu fila mai timor nia iha mehi ida atu halo ninia uma no bussines iha rai laran.
Núne’e mós trabalhadora Mónica de Sena Barreto sente urgulho tamba hetan oportunidade ne’e ba dalarua nia bele halo ninia uma no sosa kareta ida tuir planu Sena ba aprende iha ema nia rai bainhira fali husi Autralia sei aplika iha Timor tuir ninia kapasidade.
“Saida mak ha’u aprende iha ema nia rai kona ba kultura mobilidade iha ne’eba aplika fali iha timor,antes ha’u seidauk ba Australia ha’u halo bussines hanesan lori kareta hodi tula sasan ba mai,” Mónica Promete
Tuir observasaun jornalista média mudansa.info iha terrenu katak, partisipantes ne’ebé partisipa iha seremonia despedida mak hanesan, Embaixadora Aùstralia, Diretór DNEE, Ambaixadora Timor Leste ba Australia, Diretór SEFOPE, Deiretór Exekutivu FDCH, no família husi trabalhadores.
Entretantu Embaixadora Timor Leste ba Australia Ines Almeida afirma, husu ba traballador sira tenke Respeitu Australia ninia lei tamba sira mos mai respeita Timor nia lei, karik ba servisu tenke iha disciplina no hatudu komportamentu ne’ebe di’ak, wainhira iha problema tenke fo konhesimentu kedas ba imi nia team líder sira.
Jornlista : Domingas Viana
Editór : Orlando Magno
