(Dili), Mudansa – Prezidente Fundasaun Forum Komunikasoens Joventude (F-FCJ), Cipriano Oliveira informa, nia parte Konsidera Serimonia Distribui Material No Fasilidade Eskolar hanesan kadernu no lapizeura no seluk tan, Ba Benefisiarius ne’ebé Reintrega Hikas Ba Eskola ne’e importante.
“Momentu ida ne’e importante tebes atu ita haree fila fali ba rezultadu ne’ebé ita halo ba mana Cidalia ninia Apoio no mós ba ita hotu nia apoiu tomak ba loron ida ne’e,” dehan Prezidente Fundasaun F-FCJ Cipriano liu husi nia Diskursu iha Sentru Miguel Magone Balide Dili, Sexta (29/07/2022).
Prezidente Fundasaun Cipriano konta, tinan ida ne’e F-FCJ halo ona tinan ba dala 20 tanba sira eziste fundasaun iha fatin ne’e iha Tina 2002 maski hasoru problemas boot maibé Apoio sosiál Ho Governo konsege foti desizaun hodi utiliza fatin Halo atividade ba alin oan sira
Nia esplika, ema ne’ebé hela iha fatin ne’e, maka labarik sira tinan 20 optikamente husi tinan 0 to’o mai tinan 18 ne’ebé Hetan problemas Barak, hetan vokasaun Barak no hetan torturasaun barak.
“Ami mós iha oan lubuk ida, momentu ne’e ami hetan labarik sira kuaze atus resin ne’ebé mak inan aman iha hela Kupang ho Atambua, maibé momentu ne’ebá hetan apoiu lubuk Ida husi UNICEF ho governu ba sosiál ami la’o to’o UNICEF apoiu ami sai NGO ida Iha tinan 2005 hamutuk ho governu,” Cipriano deklara.
Espoza Eis Prezidente RDTL, Cidalia Nobre Guterres argumenta, Maluk sira hotu kooperasaun entre sosiedade sivíl Ho governu importante teb-tebes atu ajuda hodi hasai povu husi kiak no mukit tuir ida-idak ninia papél.
“Ohin F-FCJ halo tinan ba dala 20, ita-nia parabéns fundasaun ne’e, atu esforsu an, koko nafatin atu hatán ba problema ne’ebé sosiedade hasoru liu liu problema sosiál umanitária ne’ebé mak afeta ba família no difikulta labarik sira nia direitu tomak hanesan mós labarik sira seluk iha nasaun ida ne’e,” Cidalia Esplika.
Nia afirma, iha tinan 2017 nia vizita fatin Ida ne’e hodi Hare no rona kona-ba dezafius ne’ebé mak hasoru, Iha tinan 2018 iha programa ida ne’ebé mak FCCI gabinete espoza ninia hodi halo vizita ba ba liseira tibar iha ne’ebá nia hasoru labarik lubuk ida ne’ebé balun Eskola no balun la eskola tanba ho razaun oioin
“Iha tinan 2019 ekipa Lori labarik sira hodi ba hasoru malu iha palásiu prezidente, bainhira ha’u haree sira, ha’u sente haksolok tanba husi sira Nia oin ne’ebé nakonu ho hamnasa entaun ha’u haree katak sira determinadu duni hakarak atu eskola importante ita-nia apoiu ba sira,” Cidalia Hakotu.
Jornalista : Domingas Viana
Editór : Orlando Magno
