(Díli) Metiaut-Josefina Dos Reis ho Idade 46, husi Munisípio Díli,Postu Adminstrativu Cristo Rei Suku Metiaut Aldeia 7 De setembro, no Inan ne’e hala’o negosiu iha dalan ninin (Tasi ibun) hodi bele haforsa ekonomia uma laran no hadia oan sira nia futuru
“osan ne’ebé ha’u halo negosiu ne’e uza osan rasik hodi bele sosa fila fali sasan sira hodi fa’an, osan hamutuk dolares amerikanu at us ida $100 liu husi osan ne’e mak ha’u bele hola sasan ki’ik sira hanesan meza, paiun,no sasan kona ha hahan mak hanesan na’an manu dos ida (1) ho folin $24 dolar ikan dos ida (1) $10.50 centavos no hola fo’os saku ida ho folin $12.50 centavos,ha’u hola sasan hirak ne’e mak halo negosiu iha dalan ninin atu bele hadia ekonomia uma laran no mós hadai oan sira nia futuru iha tempu ne’ebé sei mai”, dehan negosiante Josefina dos reis ba jornalista Media Mudansa iha metiaut, iha, 15/07/2025.
Negosiante ne’e hatete, maske kada loron hetan rendimentu ne’ebé minimu, maibe nia nafatin hala’o negosiu refere, tanba liu husi negosiu ne’e mak bele sustenta sira nia uma laran no bele reforsa ekonomia nian.
“ho redimentu ne’ebe mak ha’u hetan husi lor-loron to’o kalan mak $20 dolares,halo negosiu ki’ik ida ne’e hodi reforsa ekonomia uma laran no bele suporta ha’u nia oan sira nia eskola,no ha’u nia oan hamutuk nain lima (5), maibé ida fila hikas ba aman maromak nia kadunan santu ne’ebé hela nain haat (4), tanba sira nia future mós importante ne’ebé ha’u tenki halo negosiu ki’ik sira ne’e bele haforsa ha’u hodi hare sira nia eskola”, nia afirma
Negosiante ne’e konta, nia kabe na’in uluk ne’e kondutor no nia mak buka osan, maibé nia kabe na’in ho kondisaun ne’ebé mak la dun estabil ho nune’e nia foti desizaun hodi halo negosiu iha dalan ninin.
“Aliende mós ha’u halo negosiu iha dalan ninin ne’e foin mak halo ba semana tolu (3) no ha’u halo negosiu iha dalan ninin (tasi ibun) ne’e tanba ema paseio ba mai barak hodi bele kompra hahan ne’ebé mak ha’u fa’an ne’e”, hakotu nia.
Estajiada: Maya Luanda
Editora: Gaudencia Belo
