(Bulgaria) – Prezidente Repúblika Timor-Leste (PR), José Ramos-Horta, husu governu Timor-Leste no povu, atu lutu semana ida ba Lider igreja Katolika, Papa Francisco, ne’ebé hakotu nia jornada moris iha iha tuku 3:00 Otl no tuku 7 minutu 35 oras Roma.
Iha video publikasaun ne’ebe Hato’o husi Prezidente Repúblika Timor-Leste (PR) José Ramos Horta katak, ba Governu Timor-Leste no Povu doben sira atu fo sentidu kondelensia liuhusi Lutu semana ida ba Lider maximu igreja katólika Papa Francisco ne’ebe maka hakotu ona nia viagem iha mundu ida nee.
“Ha’u husu ba governu Timor-Leste no mos ba povo doben Timor-Leste, atu lutu semana ida ba ita nia lider Mundiál Papa Francisco ne’ebé hakotu nia jornada moris iha Roma.” Dehan Prezidente Repúblika (PR), José Ramos-Horta, liuhusi publikasaun video iha pagina ofisiál Prezidente da Repúblika nian iha Sidade Sofia, Bulgaria, Segunda (21/04).
Xefe Estadu n’e argumenta governu no povu Timor-Leste atu lutu semana ida no dada Bandeira nu’udar sentidu kondolénsia profunda ba Lider Mundial Papa Francisco ne’ebé hakotu ona nia jornada moris iha Roma.
“Ha’u foin simu informasaun Amu Papa Fransisco hakotu nia jornada moris iha minutu ruma liu ba. Ita Katolika no mos la’os Katolika de’it maibé religiaun hotu-hotu humanidade tomak lakon ita nia Amu Papa Fransisco ne’ebé impaktu klean liu iha historia mundu.” Nia husu
Xefe Estadu subliña, Papa Fransisco nu’udar papa ida ne’ebé hakuak ema kiak sira no ema kbi’it la’ek sira papa ida ne’ebé la tauk kontra ko’alia nasaun ne’ebé buka funu no buka dame.
“Ita nia amu papa ko’alia mos kontra kona-ba poder sira ne’ebé hanehan ba rai fraku sira no ba intellektual sira.”
Prezidente Repúblika Timor-Leste José Ramos Horta Husu ba sarani Timor-Leste hotu atu lembra amu papa Fransisco nia vizita mai Timor-Leste iha Setembru liu ba, no nia liafuan ikus nia hatete ba presidente katak
“Papa Francisco hatete mai ha’u molok nia foti ain husi Timor-Leste ba Roma. ha’u dehan tau matan didiak ba povu doben Timor-Leste ida ne’e”
(Ekipa Media Mudansa)
