(Díli) Colmera- Negosiante Veronica Abu hatete, forma família la fasil, hanesan feto tenke hamrik hodi halo negosiu hanesan, fa’an tais atu luta ba nesesidade uma laran no mós oan sira nia futuru.
“Hanesan feto ida ne’ebé sai resposabilidade no pronto buka solusaun ba família uma laran, no hamrik hodi luta mesak ba oan sira nia estudu, tanba nesesidade uma laran mak obriga, entaun ha’u halo negosiu ki’ik ne’e, tanba moris forma família la fasil no bainhira ita buka servisu iha fati-fatin no ita tenki buka meus ida para bele hodi sustenta nesesidade uma laran no oan nia estudu, no inan aman sira ne’ebé iha foho, dehan negosiante Veronica Abu ba jornalista Média Mudansa iha tais market kolmera,Tersa 11/03/2025”,
Nune’e nia haktuir, sasan tradisionál sira ne’ebé nia fa’an halo rasik de’it no hanesan tais ne’e hanesan oan estudante sira mak soru no tambor babadok sira ne’e família sira iha foho mak halo no sira mós bele bele hetan osan persen oituan, no sira mós bele hodi sustenta família uma laran.
“Ne’ebe Motivasaun mai hau ne’e atu habelar liu tan ita ema nia moris, la’os ba ha’u mesak maibé ba família sira hotu hodi sustenta sira nia moris, fa’an sasan target ba fulan ida ou fulan rua bele hetan $100.00 ou bele mós liu husi ida ne’e, maibe depende ba konsumidor sira, no bainhira ema barak bele hetan liu, tamba ita hakarak atu hala’o buat ne’ebé mak ita rasik la’os ema mak obriga ita kontinua nafatin buat saida mak ita hakarak halo rendimentu ne’ebé ha’u hetan kada loron ida bele $20 dólar”, dehan nia
Nia hatutan, benefisu ne’ebé mak negosiante ne’e hetan, hodi sustenta ba nia oan sira no família ne’ebé mai hela ho nia no hodi sustenta mós sira nia osan bemo nian hodi ba eskola no sira nia presija nian.
“Ema ne’ebé mai kompra ne’e husi estranjeiru no Australia no Timor oan sira mós mai kompra iha fatin ne’e, tanba hanesan hare’e ba lia mate feto-san no uma-mane ne’e sira sempre mai sosa iha ami nia fatin no estudante sira balun bainhira hala’o orentasaun ne’e sira mai sosa tais iha ne’e”, Veronica relata
Veronica konta, difikuldade ne’ebé negosieante sira hasoru mak hanesan sasan sira ne’ebé halo la tuir konsumidor sira nia hakarak sira la sosa, entaun sasan hirak ne’e sei a’at no estraga hanesan babadok. no mós nasaun chineza sira halo tuir no kopi tuir tais sira ne’ebé mak sira halo hodi fa’an ho folin ne’ebé mak baratu iha parte ida ne’e halo negosieante sira sente triste tanba de’it sasan sira ne’ebé sira fa’an.
Nia rekomenda nu’udar Timor oan husu ba joven sira tenki promove identidade Kultura nian nafatin ba nasaun seluk no mós ba feton Timor oan sira aprende soru tais lori identidade kultura Timor nian labele lakon iha future.
Estajiadu: Jaquelino Andrade
Editora : Gaudencia Belo
