(Díli) Manleu- Negosiante Sergio da Silva fa’an sasan hanesan batar no fo’os rai iha merkadu manleu hodi susstenta ba nesesidade uma laran nia, hanesan jerasaun foun nasaun Timor-Leste ne’e mós la haluha hodi kaderniza an liuhusi aprende kursu lian korea oinsá atu muda moris aban bai rua nian.
“Ha’u hanesan mane jerasaun foun nasaun Timor-Leste ne’e mós la haluha hodi kaderniza an liuhusi aprende kursu lian korea karik liu oinsá atu ha’u bele sustenta mós familia uma laran, dadersan nia ba fa’an batar no fore kuandu oras to’o,, entaun nian deskansa tiha faan sasan hodi kontinua fali ba kursu lian korea”, dehan Sergio da Silva ba jornalista Média mudansa iha merkadu Manleu, Tersa 11/03/2025
Negosiante ne’e hatete, atividade hanesan ne’e labele halo, maibé tanba kestaun nesesidade familia obriga ho nune’e nia halo negosiu hodi sustenta familia uma laran liuhusi meius ida mak fa’an batar ho fore nune’e bele sustenta familia uma laran.
“Tamba ita hare ba nesesidade uma laran nian presisa ajuda pai para lori fa’an, ami sosa mak fa’an fali,sira mak lori mai pois mak ami hola no ami fa’an tutan fila fali,ne’e husi Munisípio sanulu resin tolu mak lori mai,konaba sasan sira ne’e hanesan sosa karon de’it”, nia afirma
Nia hatete, sasan ne’ebé nia fa’an sosa tutan husi Likisa mak fa’an tutan iha Díli dala ruma fo’os rai rai saku ida folin $60 dolar, no fa’an tutan sukat ho lata ida hetan 50 centavos kuandu batar saku ida ho folin dolar $45, no lata ida 50 centavos, alende mós nia mós fa’an fore ho lata ida $1 dolar.
“Husi negosiu ne’e loron ida bele hetan hanesan $70 dólares no $80 dólares hanesan ne’e, hodi uza fali ba sosa nesesidade uma laran, lori mai sira kahur kahur tiha ona,ami simu hasil jadi deit,depois ami fa’an fali,buat di’ak mak hanesan ema hola karik ita sustenta ita nia familia uma laran pois ajuda pai,husi Munisípiu Liquisa,Postu Administrativu Maubara,Aldeia Dalurema”, nia afirma
Sergio akresenta husi rezultadu fa’an foos, fore no batar loron ida bele hetan rendimentu $70 dólar to’o $80 dólare hanesan ne’e, osan hirak ne’e uza fali ba sosa nesesidade, presiza uma laran hanesan modo, foos no balu uza ba sosa roupa no seluk tan.
Entretantu foos rai fore no batar folin la di’ak maibé negosiante Sergio Da Silva la sente kolen tanba nesesidade obriga hakarak nia tenke ajuda inan aman hodi ajuda sustenta nesesidade uma laran.
Estajiadu: Dwi Magno/ Vanesa Gusmão
Editora: Gaudencia Belo
