(Díli) Balide–Negosiante Benvinda Soare hala’o negosiu iha dalan ninin, hanesan fa’an sigaru pulsa hodi bele atende ba nesesidade familia uma nia nian.
“Ha’u hala’o negosiu ida ne’e tanba ami nia moris Lor-loron mak tur iha dalan ninin ne’e hodi fa’an sasan sira hanesan sigar pulsa hodi hetan osan $.0,5 no $.0,10 centavus no hetan osan ida ne’e tau hamutuk hodi sosa hahan sira, tanba ha’u nia katuas oan la servisu, entaun ha’u ajuda nia hodi buka osan”, dehan negosiante Bemvinda Soares Alves ba jornalista Média Mudansa iha Balide, Segunda, 24/03/2025.
Negosiante Bemvinda ne’e hatutan, nia hahú negosiu ne’e ho modal $100.00 dólar hodi sosa sasan sira ne’e ba fa’an iha dalan ninin, nune’e kada loron nia hetan dólar $15 to’o dolar $20.00 husi nia negosiu ne’ebé nia hala’o lor-loron.
“Ha’u hahú negosiu ida ne’e ho osan $100.00 dólar hodi ba sosa sigaru no pulsa mai fa’an iha dalan ninin,no osan ne’ebé ha’u hala’o negosiu ne’e ha’u nia osan rasik, no ha’u fa’an sigaru ho pulsa hahú husi 2013 to’o ohin loron, no ha’u hala’o negosiu ne’e kada loron ha’u hetan osan la bo’ot maibé, ha’u nafatin fa’an tanba nesesidade uma laran nian, no lor-loron ha’u hetan osan mak $15.00 dólar to’o $20.00 dolar mai kraik, ha’u agradese tanba Lor-loron bele hetan hanesan ne’e”, nia afirma
Negosiante Bemvinda informa, dadersan tuku hitu liu minute haat nulu resin liman 7:45 nia sai husi lahane mai hala’o nia aktividade lor-loron nian hanesan fa’an sigaru pulsa iha balide, hahú fa’an iha dader to’o loraik hafoin fila ba uma.
“Ha’u sai husi uma mai fa’an sasan tuku 7:45 dader mai to’o iha fatin ne’e 8:10, entaun ha’u to’o fatin ne’e ha’u komesa fa’an ona no ha’u fa’an to’o tuku 6:30 Lokraik hafoin ha’u fila ba uma”, dehan Negosiante Bemvinda.
Negosiante ne’e haktuir, Lor-loron nia hala’o negosiu to’o oras meiudia nia sosa nasi-bungkus han hodi kalsu netik kabun atu nune’e kontinua fila fali fa’an sigaru no pulsa.
“Difikuldade ne’ebé ha’u dalaruma fa’an sasan sira ne’e ema ne’ebé hemu tua lanu todan mai halo problema no dalaruma mai husu osan ba ami no hatete ba ami tenke fó osan no ami hatete ba sira ami laos mai tur hetan osan deit maibe ami esforsu mak foin hetan osan ne’e se ami fo tiha imi entau ami fila han saida”,
Entretantu Negosiante Bemvinda ho idade 46 husi Munisípiu Manatutu,Suku Samoro,no dadaun ne’e hela iha Lahane hala’o negosiu iha balide hodi sustenta ba familia uma laran.
Estajiadu: Ekipa Média Mudansa
Editora: Gaudencia Belo
