(Díli) Merkadu Taibessi– Negosiante Jonsino Soares Gomes hateten, hanesan joven ida mai husi familia ne’ebé simples labele garantia be-beik ba inan aman, maibé koko esforsu a’an hodi buka osan atu bele ajuda ba nesesidade lor-loron nian.
“Ha’u hanesan joven ida tenke ajuda ha’u nia inan aman hodi halo negosiu ida, tanba nesesidade lor-loron Obriga ita tenki buka rasik no ita labele garantia be-beik ba inan aman no familia sira seluk, maibé ita mós koko atu esforsu a’an husi negosiu ne’ebé ki’ik bele ajuda hela ita nia nesesidade kada loron nian ita labele gantia ba inan aman deit mak buka osan, maibé ita mós ajuda sira hodi buka netik osan atu bele hatan ba nesesidade”, dehan negosiante Jonsino Soares Gomes ba Jornalista Média Mudansa iha Merkadu Taibessi , Tersa, 25/03/2025.
Negosiante Jonsino hatete, hahú halo negosiu iha tinan rihun rua sanulu resik walu (2018) ho modal rihun rua (200) to’o rihun (300) no husi osan ne’e negosiante Jonsino sosa sasan sira ne’ebé nia fa’an mak hanesan, bua no malus la’os sasan ne’e de’it mak nia fa’an maibé iha mós ropa Obe ne’ebé mak nia fa’an.
“Hahú ho negosiu iha tinan rihun rua sanulu resin walu (2018) ha’u fa’an primeiru ha’u ho modal dolar amerikanu rihun rua ($200) ou tolu nulu ($300) husi Osan ne’ebé mak ha’u iha hodi ba sosa fali sasan ne’ebé mak ha’u fa’an hanesan bua ho malus, no sasan sira ne’ebé ha’u fa’an ne’e ema lori husi foho mai mak ha’u sosa tutan hodi fa’an fali, fo-foun ha’u aprende fa’an husi ha’u nia ferik ho katuas rasik mak hanorin, husi negosiu ne’ebé ha’u fa’an ne’e la’os de’it bua ho malus, maibé iha mós ropa Obe ne’ebé ha’u fa’an, no rua ne’e ha’u fa’an troka malu hotu, maibé ha’u hare ba nia tempu hotu sé bua ho malus mak folin di’ak liu, ha’u tenki mantein nafatin fa’an bua ho malus, sé ropa Obe mak folin di’ak entaun fali ba fa’an ropa Obe, no negosiu rua hau fa’an troka malu hotu”, nia afirma
Nia salienta katak, husi negosiu ne’ebé nia fa’an kada loron hetan rendimentu dolar amerikanu lima nulu ($50) no dolar amerikanu ha’at nulu ($40) husi osan sira ne’ebé nia hetan hodi sustenta ba nesesidade uma laran.
“Durante ha’u halo negosiu ida ne’e difikuldade ne’ebé ha’u hetan mak dalabarak sasan ne’ebé ha’u fa’an ladun folin no ema ladun sosa, maibé hau nafatin pasensia hodi fa’an, ita labele dehan ema la sosa ona be ita atu para tiha negosiu ne’e la iha ida tenke esforsu a’an nafatin atu bele heta osan, tanba ita nia moris mak hoi da ne’e ona la iha tan seluk atu halo, entau ha’u tenke esforsu a’an hodi buka”, nia tenik
Entretantu negosiante Jonsino Soares Gomes rekomenda ba Joven sira katak, saida mak iha koko halo lalika moe no lalika preukupa ho ema seluk nia susesu, tanba ema ida-idak nia esforsu la hanesan, sei la susesu fiar a’an loron ida imi sei susesu ho negosiu ki’ik ne’ebé iha bele sustenta hela ba moris nian.
Jornalista: Inácio Silva/Rogerio Anuno
Editora: Gaudencia Belo
