(Díli) CCD- Ministru Koordenador Asuntu Ekonomiku (sigla portuges-MKAE) hamutuk ho Konsello Imprensa Timor-Leste (Sigla portuges-KITL) halao dialogu entre media Radio, Televisaun Jornal no Online sira konaba Timor-Leste sai nu’udar membru Organizasaun Mundial Komersiu (sigla portuges-OMK) no oinsa Mídia sira nia partisipasaun atu bele partilla informasaun ne’ebe justu no klaru ba públiku.
Timor Leste sai nu’udar membru Organizasaun Mundial Komersiu (sigla portuges-OMK) iha fulan fevereiru tinan 2024 iha Abu-Dhabi no liuhusi Dialgo ne’ebe realiza husi Ministru Koordenador Asuntu Ekonomiku (sigla portuges-MKAE) atu hametin parseria ho media sira kona ba timor leste menbru Organizasaun Mundial Komersiu (OMK) ho objetipu atu hasa’e koñesementu media sira nian ba adesaun ne’e Timor-Leste sai Membru (OMK)
Tuir Koordenador Jeral Ministru Asuntu Ekonomiku Jorge Rui de Carvalho Martins hateten,enkontru ba dahulik ho media sira no adesaun Timor-Leste sai nu’udar membru Organizasaun Mundial Komersio (OMK) iha mos lei no regulamentu ne’ebe hamutuk rua nulu-resin ida (21) ba investimentu iha setor hotu-hotu hanesan Agrikultura,Saude, Tranporta Komunikasaun, Komersiu Industria no husi rua nulu resin ida (21) ne’e hetan aprova husi Konsellu Ministru no iha prosesu ratifikasaun iha Parlamentu Nasional (PN).
“Lei ne’e mak oinsa atu fo protesaun ba ema sira ne’ebe hanesan embaixador ka kompaña unipesoal, ne’ebe mak foti osan iha banku no ninia kompaña ne’e hetan proplema iha orsamentu, entaun nia sasan sira ne’e ita bele foti deit, ida ne’e lei ensi vesi lou,” Dehan MCAE ba jornalista iha Centru Convençoes de Díli (CCD) 28/03/2025.
Nia hatutan iha mos lei ida ne’ebe maka atu ko’alia kona ba asesu merkadu no mos lei kompetisaun iha merkadu,hodi bele kria kondisaun ba kompetisaun iha merkadu, enkuantu lei sira ne’e pronto no aprovadu ona inklui mos ratifika ona iha Parlamentu Nasional (PN).
“Ba oin ita iha ajenda ida transparansia notifikasaun, ne’e oinsa ita tenki alerta ba membru sira hamutuk 175 nasaun iha Organizasaun Mundial Komersiu (OMK) ida ne’e, kona ba faselitasaun komersial nian, ida ne’e hau rasik mak asina ona no aprova ba sekretariu iha dia 24 fulan fevereiru tinan 2025” nia haktuir.
Iha fatin hanesan Prezidente Konsellu Imprensa Timor-Leste (KITL) Otelio Ote husu ba Jestor Média sira tenki koiñese uluk saida maka Organizasaun Mundial Komersiu (sigla portuges-OMK) tanba, nasaun sira tama iha Organizasaun Mudial Komersiu (OMK) tenki liuhusi prosesu ida hafoin bele atinji no bele sai membru.
“iha organizasaun internasional ruma bainhira ita kontra internal ne’e sempre mosu no OMK rasik mos hasoru dezafiu, maibe tamba ida ne’e politika governu atraza la-lais liu timor leste tenki realiza duni organizasaun atu sai la-lais liu organizasaun ida ” hateten presidente KITL.
Entretantu Prezidente Konsellu Imprensa Timor-leste (KITL) husu ba jornalista no editor sira tenki konese no intende uluk hafoin sai informador ba sosiedade sira liuhusi informasaun ne’ebe maka públika sai no atu explora informasaun sira ne’e ho diak Konsello Imprensa Timor-Leste (KITL) koopera iha programa ida ne’e.
Ekipa kobertura Media Mudansa (MD)
Editora :Gaudensia Bello
