(Díli) Comoro– Governu liu husi Ministériu Assuntus Kombatententes Libertasaun Nasionál (MAKLN) hamutuk ho Konsellu Kombatentes Libertasaun Nasionál (CCLN sigla portugés) halo konferensia Imprensa kona-ba formasaun no preparasaun ba programa bolsa estudu ba kombatentes martires nia oan sira, ne’ebé mak sei abertura iha loron 24 fulan marsu tinan 2025
Ministru Assuntus Kombatententes Libertasaun Nasionál (MAKLN), Gil da Costa Monteiro ‘Oan soru’ hatete, bolsu estudu sira ne’e totál jeral hamutuk ema nain rihun ida atus tolu (1300) ida ne’e kombatentes no martira sira nia oan.
“Bolseiru ne’e ho totál ema hamutuk rihun ida atus tolu (1300) ida ne’e sei atribui ba kombatentes no martires nia oan sira, tuir regra anteriores ne’ebé iha, no mos kada bolseiru ne’e mai husi nível ensinu Pré-Sekundária, Sekundária no Universidade sira, no rai liur mós iha, maibé iha ne’e ema hamutuk neen nulu resin lima (65), no kada munisípiu ema nain lima (5) ne’e ba deit iha ensinu superior no ba iha universidade ne’e nia iha de’it lisensiatura tanba lei ne’e rasik mós to’o deit iha lisensiatura, tanba nia liu ona husi ida ne’e nia na’in rasik buka ona osan ou rekorde dalan seluk, ida ne’e mak iha regras sira ne’e haruka”, dehan Ministru Assuntus Kombatententes Libertasaun Nasionál (MAKLN), Gil da Costa Monteiro, iha salaun MAKLN, Tersa, 18/03/2025
Ministru ne’e hatutan, ba iha ensinu superior iha totál hamutuk atus ne’e lima nulu (650), iha ensinu sekundária sira totál hamutuk atus tolu rua nulu resin lima (325), no mós ba iha Eskola Primaria ho totál hamutuk neen nulu resin lima (65), kada munisípiu ema lima (5) de’it, no sira pré-sekundária hamutuk ema atus ida sia nulu resin lima (195) no kada munisípiu ema nain sanulu resin lima (15).
“Ba sira ne’ebé mak dadus ne’e lós ona no la iha reklamasaun ka kontestasaun, sira bele hatama sira nia dokumentus no sei anunsia sai hotu, ema idak-idak ba hare’e tuir iha nia munisípiu, liu husi Konsellu Kombatentes Libertasaun Nasionál (CCLN) sei hahú iha loron 1 fulan abril, no remata iha loron 30 fulan juñu tinan 2025”, dehan ministru MAKLN.
Governante ne’e hatutan, Rekerementu ne’e bele hatama husi ne’ebé de’it inportante tenke liu husi CCLN iha munisípiu sira, prazu reklamasaun kontestasaun ba segundu registu kompotente no libertasaun nasional editadus dokumentus kuandu la iha nia dokumentus sei pendente.
“Ohin sira simu ona reklamasaun kontestasaun hamutuk 35,617, reklamasaun ho kontestasaun sira ne’e mak hatama mai durante ne’e no sei fó sai kada munisípiu ida-idak nian, maibé iha munisípiu Baucau mak nia dokumentus seidauk hatama”, tenik nia.
Jornalita: Rogerio Anuno
Editora: Sandi Belo
