(Dili) Kaikoli -Sekretariu Estadu Komunikasaun Sosial (SEKOMS) halo Vizita kortejia ba Kuartel Jeral Polisia Nasional Timor-Leste (sigla-PNTL),hodi halo kordenasaun ba servisu komemorasaun Aniversariu PNTL ba dala 25 nian.
Iha intervista Sekretáriu Estadu Komunikasaun Sosial (sigla-SEKOMS) Expedito Loro Dias Ximenes informa vizita ne’e atu fo hanoin ba komandante PNTL konaba aniversariu PNTL ne’ebe mak sei realiza iha fulan oin, no akompaña dezempenu ne’ebe PNTL halo servisu durante tinan 25, inklui husu mos ba Media sira atu halo transmisaun direta ba serimonia refere.
“tanba ne’e ami nafatin husu ba media sira hotu, tenke fo apoiu tomak ho kordenasaun ho SEKOMS ba iha loron aniversariu ba PNTL ba dala 25 iha loron 27 fulan marsu tinan 2025,” dehan Sekretáriu Estadu Komunikasaun Sosial (SEKOMS) Expedito Loro Dias Ximenes ba Jornalista sira iha Kurtel Jeral PNTL Kaikoli, 18/02/2025″
Governante ne’e hatutan katak,informasaun sira ne’ebe bele hato’o ba Públiku liu husi transmisaun direta kona-ba iha atividade Polisia ninian, enkuantu departamento sira hanesan; Tranzitu, Unidade Espesial Polisia (UEP), polisia Unidade Patrulamentu Fronteira (UPF), Batalaun Orden Publiku (BOP) no Unidade Polsia Maritima (UPM), para atu nune’e foka sai atividade sira ne’ebe mak polisia sira hala’o, atu nune’e bele mos sira hetan komentariu ruma husi populasaun sira.
Fatin hanesan komandante Jeral PNTL Hendrique da Costa, deklara katak atividade polisia importante tebes ba komunidade relasiona ho visita Sekretariu Estadu Komunikasaun Sosial (sigla-SEKOMS) atu hare mos ba komemorasaun aniversariu PNTL bad ala 25 ne’ebe mak sei akontese iha fulan oin.
“ tamba ita hare importante tebes ba servisu sira no atividade polisia ninian ne’e atu komunidade sira hotu tenke akompaña hotu, tamba ne’e mak husi Sua Exelência Sekretáriu Estadu Komunikasaun Sosiál SEKOMS sei Partisipa iha loron Nasionál PNTL, iha eventu ida ba komemorasaun aniversáriu PNTL nian” nia hakotu
Jornalista : Rogerio Anunu/Estagiadu Hilario Chayfan
Editor :Sandi Bello
