(Díli) Bidau Akadiru-Hun– Vise-Primeiru Ministru Dezenvolvimentu Rural i Habitasaun Eng. Mariano Assanami Sabino Lopes abertura ba semináriu sensibilizasaun HIV-SIDA iha tinan 2025 nian ba públiku no komunidade sira oinsá atu kombate moras HIV-SIDA iha Timor-Leste tanba moras HIV-SIDA maioria husi joven sira.
“Sira iha pontu prinsipal rua ne’e saúde ho edukasaun tanba ne’e Institutu Nasionál Kombate HIV SIDA (INSCIDA.IP sigla português) ne’ebé mak ita hari’i atu bele prevene moras HIV-SIDA iha Timor-Leste no atu bele kura seidauk iha, maibé iha dalan barak ne’ebé mak esperansa ba sira ne’ebé moras kona ona, maibé ita iha dalan atu bele kura, maske seidauk iha serteja lolos, tanba iha ai-moruk balu husi médiku nian bele hamate de’it to’o ninia vírus ne’e la bele ativu, di’ak liu ninia dalan mak ita tenki prevene antes, ” dehan Vise-Premeiru Ministru Mariano Assanami Sabino Lopes liu husi nia diskursu iha Sede Suku Bidau Akadiru-Hun, Díli Tersa, 18/02/2025
Governante ne’e Afirma katak, moras HIV-SIDA ida ne’ebé hada’et ba jerasaun foun sira bele estraga nasaun ne’e ba oin, tanba ema mak importante, ema mak iha atu investe riku soin sira ne’ebé iha.
“Tanba ne’e INSCIDA ita hari’i ho Prezidente ho ekipa hamutuk ho Ministériu saúde para halo kampaña hodi bele halo prevensaun ba moras hada’et husi vírus HIV-SIDA, tanba moras ne’e ataka ba ita nia imunidade,” Nia Relata
Vise-Premeiru Ministru deklara katak, ba sira ne’ebé mak moras kona hanesan HIV-SIDA ona lalika hanoin atu mate, maibé tenke iha esperansa hamutuk ho maromak buat hotu la’o di’ak, banhira hetan ona moras HIV-SIDA lalika moe atu ko’alia maibé ba ospital atu bele halo tratamentu ho lalais.
Iha fatin hanesan Prezidente INSCIDA Daniel Marçal hatutan katak, Atividade moras HIV-SIDA primeiru nian ba tinan 2025 hahú husi Sede Suku Bidau Akadiru-Hun hamutuk ho lideransa no komunidade sira bele fó fiar nafatin ba formasaun sira ne’ebé importante atu bele asegura ema ne’ebé hetan moras HIV-SIDA.
“Formasaun ida ne’e sei la’o iha suku no aldeia sira hotu tanba moras HIV-SIDA mosu iha fatin ne’ebé de’it, ita iha rihun rua resin ona ne’ebé maioria husi joven sira tanba ne’e joven sira tenke hadok an husi moras HIV-SIDA ne’e,” Dehan Prezidente INSCIDA Daniel Marçal
Prezidente ne’e informa tan katak, joven mak sai kontinuador ba nasaun ida ne’e maibé husi sira nia ransu, sira nia moris no sira nia gostu mak sei estrga sira nia futuru, la’os ema ida mak ba estrga sira nia futuru maibé sira rasik mak estrga sira nia an rasik.
“Ema ne’ebé moras HIV-SIDA tauk ba Ospital no klinika sira atu hemu ai-moruk, tanba iha atendimentu balun ne’ebé produs fali diskriminasaun halo ita nia maluk sira halai ses husi ita, tanba ne’e ohin fó hanoin ba ita oinsá atu asegura ita nia maluk sira ne’ebé hetan moras HIV-SIDA hodi prevene atu labele kona moras HIV-SIDA ne’e”,Hakotu Prezidentie INSCIDA Daniel Marçal
Estajiada: Esperansa Maia
Editora: Sandi Bello
