(Díli) Likintai- Fallansu maka oportunidade ida atu hahú fali ho intelijente, tamba moris la’ós ema deit mak fo servisu ba ita nia a’an maibe presija kria rasik kampu traballu ba a’an no susesu maka rezultadu husi perseveransa ne’ebé nunka rende husi opsaun ne’ebe ita hili ba.
Liafuan ida ne’e prega ba negosiante dalan ninin Fátima Brandão da Costa ne’ebe nia hili opsaun negosiu hodi bele fó apoiu ba nia necesidade uma laran ninian, enkuantu produtu ne’ebe negosiante ne’e fa’an hanesan sigaru,kafe,masin-midar, supermi, no sira seluk tan, ho produtu ne’ebe negosiante ne’e fa’an bele ajuda netik dolares tahan ida ka rua iha loron ida hodi bele fasilita nia nesesidade uma laran.
“ Maibé Loron-loron ha’u fa’an mais ou menus hetan dolares amerikanu $30 no dolares amerikanu $40 ba leten,foin dadauk mak ha’u fa’an fali, no iha ne’e dalaruma ema mai tur iha ne’e hanesan hemu kafe no han Supermie, dalaruma mos ema mai sosa lori de’it ” Hateten negosiante Fátima Brandão ba jornalista Media mudansa foin lalais ne’e.
Negosiante ne’e mos hanesan inan ida ne’ebe iha tempu dader tenki prepara ulu koan sira nia presija hodi ba eskola antes nia hahu nia negosiu iha Bairo Likintai Díli, hafoin ida ne;e negosiante ne’e hahu servisu husi oras ne’ebe ema hotu sei deskansa hafoin husi fali tuku sia (9) dader no tuku sia (9) kalan, negosiante ne’e halot nia produtu sira hodi fila ba uma, moris hanesan familia uma kain ne’ebe sempre apoiu malu no dalaruma negosiante ne’e nia laen mos apoiu nia (Fátima Brandão da Costa) hodi fa’an produtu ne’ebe nia prepara.
“Dadersan hanesan Inan hau tenki hader sedu hodi fo haris Oan ba eskola Inklui hare Oan sira nia matabisu no lori Oan ba Eskola, hotu Tuku sia (9) loron komesa fa’an ona,to’o tuku sia (9) kalan taka ona, ida nemak hau nia atividade loron-loron ne’ebe hau halo hamutul ho ha’u nia kazadu dalaruma mai ajuda ha’u no dalaruma ema bolu entaun ba halo ema nia uma.ha’u nia atividade mak loron-loron faan,ha’u faan iha ne’e oituan-oituan hanoin atu halo ha’u nia uma rasik tanba foin dadauk estadu sobu tiha,estadu promete rekolla ona ha’u nia dokumentus hanesan sira hasai foto eleitoral no numeru telefone hodi kontaktu ami atu ba foti osan iha sira mais to’o agora estadu seidauk kontaktu ami,ha’u nia uma uluk ha’u halo ho montante osan dolar $.3.600 tanba selu ho badaenl hamutuk osan $.3.600” Nia salienta
Negosiante ne’e deklara tan katak, difikuldade ne’ebe mak kada Loron hanesan negosiante dalan ninin hasoru mak dalaruma satan a’an iha barak ne’ebe nia halo durante loron tomak no dalaruma ema la sosa produtu ne’ebe nia fa’an iha loron ida tomak, ho pasiensia no fuan bo’ot hanesan ida iha laran nafatin esforsu hodi buka alternativu seluk maske hasoru desafiu no obstakulu oioin hanesan negosiante.
“ ita hala’o negosiu mak moe, entaun osan mos moe ba ita, ita kuandu la moe osan mos la moe ba ita ita naok no labele tane liman ba ema, ha’u sente la moe, Husi ha’u atu hato’o ba ha’u nia feto maluk sira importante liu mak buat ida buka osan ne’e la fasil atu kualker saida de’it fa’an modo mos di’ak atu sona hanesan gorengan sira mak fa’an mos di’ak no fa’an hanesan dadaun ha’u fa’an ne’e mos di’ak ne’e hanesan buat ida karik atan rasik ba ita nia an ka patraun rasik ba ita nia an buat hotu-hotu ita rasik mak esforsu ba ita nia an ka fo Kaman ba ita nia an ne’ebe di’ak liu ita buka rasik maske ita hetan osan dorar $.1 no dolar $.2.ne’e ha’u sente ne’e la faila ba ita nia familia uma laran” Nia rekomenda
Entretaun Negosiantea Fátima Brandão da Costa Idade 25 (rua nulu resin-lima) Orijen husi Munisipiu Ainaro,Postu Administrativu Maubisse Suku Horai-Quic, Aldeia Gourema,Enkuantu Fátima Brandão dadaun ne’e hela iha Likintai Díli no iha Oan Mane nain (1) no nia kontinua Eskola iha Pre-Primaria Amigos De Jesus Likintai Díli.
Jornalista :Inaçio Silva
Editór :Sandi Bello
