(Díli) SOLS Education Becora – Prezidenti institutu nasionál kombate HIV-SIDA (INSCIDA) Daniel Marçal hala’o sensevilizasaun iha SOLS AHHA Education atu joven sira hadok an husi moras HIV-SIDA iha Timor-Leste
“Iha SOLS ne’e imi hotu-hotu hatene kuaze iha Timor no Munisípiu sira, forma joventude iha Timor-leste ne’e barak lo’os agora husi parte SOLS joven barak mós falha iha sira nia moris, tamba iha domin no destroi sira nia futuru sira ansi kaben lalais depois balu quando kaben ona hamate tiha sira nia esforsu atu estuda makas liu tan,” dehan Prezidenti inscida ba Jornalista sira iha SOLS Education Becora, Díli Tersa 19/02/2025
Prezidenti hatutan, INSCIDA sei hare organizasaun sira ne’ebé mak agora konsentra joven barak atu bele partila informasaun sira ne’ebé iha benefisiu ba iha sira nia futuru, tamba agora joven husi foho sira mós mai hotu iha ne’e e joven barak mós iha virus HIV-SIDA.
“Kestaun ba domin quando sira gosta malu ona ne’e risku tebes ou fasil tebes atu moris hamutuk, tamba ida ne’e mak estraga tiha sira nia mehi futuru nian, planu ne’ebé mak di’ak ba loron aban nian
Joven sira hela Iha Kos Mak Sai Risku Ba Moras HIV-SIDA Iha Timor-Leste, ita buka oinsá bele enkoragen sira atu mentaliza sira ho liafuan ne’ebé maka bele transforma sira nia hanoin e transforma sira nia mentalidade ne’e para sira sai joven ne’ebe bele solidu iha moris ida agora ne’e, ” Nia Afirmirma
Prezidenti INSCIDA deklara katak, joven sira barak mak monu ba sexu kaben lalais no barak hetan tan HIV-SIDA susar tebes, no sira nia hanoin sira la bele asegura iha sira nia futuru aban rua nian, maibé sira monu iha dalan klaran de’it sira nia hakarak no gostu.
“Sira la hanoin inan aman ne’ebé mak esforsu ba sira nia estudu maibé oan sira la preokupasaun ba inan aman nia esforsu tamba de’it kestaun ba pensamento ne’ebé fraze tebes destroi sira nia futuru tomak ema sei joven sei mesak luta ba nia futuru nian, INSCIDA halibur joven sira hamutuk ho instituisaun Ho SOLS para ita bele iha tempu atu ko’alia ba sira tamba ho liafuan mak bele transforma ema osan he’e estraga ema nia moris,” Hakotu Prezidenti INSCIDA
Iha fatin hanesa formadora AHHA Education Inocensia do Rosario Quintas hatutan katak, nia sente kontenti tamba bele tuir formasaun kona-ba moras HIV-SIDA hodi rona informasaun atu bele prevene an husi moras HIV-SIDA
“Ha’u sente kontenti tebes bele tuir formasaun ida ne’e tamba bele rona saida mak moras HIV-SIDA iha Timor-Leste no ami iha foho difisil tebes atu asesu ba informasaun, atu prevene moras ida ne’e ha’u tenke hakbesik an ba iha sentru saúde sira atu bele teste ran hodi bele prevene moras ne’e, ” dehan Formadora Inocensia do Rosario Quintas
Entretantu formadora AHHA Education Inocensia husu ba joven sira atu prevene an tamba moras HIV-SIDA perigu tebes ba ema nia saúde, tamba ne’e joven sira hamutuk sira hamutuk hodi kontrola an husi moras HIV-SIDA no koko atu hakbesik an ba iha setru saúde hodi teste ran.
Estajiada: Esperanca maia
Editor: Sandi Bello
