( Díli) Palasío Governu- iha intervista negosiante Emerensiana da Costa Jerónimo hatete, hanesan feto lakoi atu depende ba familia no inisiativa halo negosiu rasik negosiu iha dalan ninin ho nune’e atu bele hakman-an familia no sustenta nesesidade loro-loron nian.
“Ha’u hanesan feto ida ne’ebé iha Timor-Leste hanesan mós ho feto sira iha rai seluk ne’ebé halo papel importante iha familia uma-laran, iha sosiadade no Feto sira dala barak mak servisu maka’as atu sustenta familia uma-laran no hakaman ekonomia familia sira nia forsa,” dehan negosiante Ermerensiana ba jornalista media mudansa iha Plasío Governu, Díli Sigunda, 24/02/2025
Negosiante Emerensiana ne’e hatudu korajen ne’ebé bo’ot tebes, no ohin loron nia tenke luta maka’as ba nia moris ekonomia uma laran no estudu nian atu bele hakman an iha nesesidade familia nian. Enkuantu negosiante hateten katak, nia halo negosiu ida ne’e, tanba atu hamenus no hakman ekonomia familia uma laran nian, no mós suporta nia estudu .
“Hau halo negosiu ida ne’e kleur ona, tanba lakoi atu sai depedensia ba familia sira no hakarak atu buka rasik hodi suporta nesesidade lor-loron nian, ha’u mós ajuda ha’u nia inan aman hodi hakman an iha familia sira nia forsa liu husi ekonomia ,” relata negosiante Emerensiana
Nune’e nia haktuir, osan ne’ebé nia hetan hodi sosa sigaru no pulsa hodi halo negosiu ne’e hetan suporta husi familia uma laran, hamutuk $30 dolar.
“Sigaru L.A slop ida ha’u sosa $15 no ha’u fa’an fali masu ida $2.00 no marboro ha’u eslop ida $18 ha’u fa’an fali masu ida $2.50 sentavos no kada loron ha’u hetan, $10.00 ou $15.50 sentavos ida hanesan ne’e no liu husi oisan ne’e mak ha’u bele uza hodi selu bemo ba eskola no kampus balun uza ba nesesidade lorlo-loron nian,”nia sublina
Nune’e nia relata, osan ne’ebé nia hetan husi nia negosiu ne’e mak hodi selu bemo no balun hodi foto kopia material no balun ba kampus karik hodi sosa hahan no ba uza ba nesesidade nian.
“Difikuldade ne’ebé ha’u hasoru mak dala ruma ema la dun sosa tamba ema fa’an ne’e mós ema barak la’os hau mesak, no dala ruma ha’u lao kareta no motor atu soke ha’u ida dalan,”nia salienta.
Nia informa, benefisiu ne’ebé nia hetan mak hodi uza ba nia nesesidade lor-loron nian mak hanesan selu bemo no uza mos ba foto kopia materia nian no selukn tan.
“ha’u mensajem ba maluk sira espesial liu ba maluk feto sira ne’ebé daudaun ne’e abandona hela imi nia tempu no labele lakon tempu ba buat ne’ebé la vale no ita mós tenki hanoin ona ba ita nia futuru, tanba iha futuru mai ne’e familia sei la permanente ho ita, tanba ne’e husu ba maluk sira labele moe atu halo buat ne’ebé di’ak ba ita nia aan,”nia rekomenda.
Entretantu negosiante Emerensiana Da Costa Jerónimo origem husi Munisípiu Baucau Postu Administrativu Quelikai Suku Lai-sorulai, no kontinua hala’o hela nia estudu iha banku universitariu nasional Timor lorosa’e no semester 7 iha fakuldade edukasaun departamentu lingua portuguêsa.
Ekipa kobertura media mudansa
