Udan La Fó Fatin, Negosiante Merkadu Taibesi Menus Kompradores

banner 120x600

(Díli) Taibessi- Tempu udan negosiante merkado Taibessi lahetan rendimentu ne’eb’e ho diak, tamba ne’e  menus kompradores hodi sosa sasan ne’ebe sira fa’an iha merkadu, impaktu husi udan ne’ebé bo’ot hodi estraga sasan ne’ebe sira fa’an sai a’at ka estragu hotu no balun tenki lori fila ba uma.

“Iha tempu udan  sai failansiu bo’ot tebes ba ami hodi fa’an ami nia modo tamba ne’e mak ami la dun hetan rendimentu ne’ebe di’ak, ami sosa modo barak udan ona hanesan ne’e  ema ladun sosa modo nebe mak ami fa’an, Ida ne’e mos estraga modo balun ami lori fila ba uma fó han fahi ”, Dehan Negosiante Natalia de Jesus Averelia ba jornlista Estajiadu Media Mudansa iha Merkado taibessi Segunda, 28/01/2025

Negosiante ne’e delara katak, modo ne’ebé sira fa’an iha tempu loraik hahu husi oras tuku 4 loraik,  negosiante sira tenki lori sai modo ba liur hodi fa’an iha portaun merkadu taibesi, hafoin iha oras tuku 8 to’o 9, modo ne’ebe sira fa’an dala ruma ema la sosa ho pasiensia tenki lori fila ba uma.

 

“Hanesan ohin loron ami hetan netik osan oituan, entaun hare ba oan sira nia eskola, han hemu, ne’ebé ami persisa uma laran, importante oan sira nia eskola lor-loron, $1dolar, $2 dolar ba foto-copia sira ne’e atu dader-dader fó sira lori ba eskola, maske la barak iha netik $10 dolar $20 dolar,  hanesn inan hakarak ka lakoi  tenke buka osan hodi sustenta ba oan sira nia eskola”, Nia Afirma

 

Nia salienta negosiu ne’ebe halao hahu husi tinan 2015 dahuluk nia fa’an iha area haali-laran, hafoin nia muda fila fali mai iha aredores merkadu taibesi. Modo sira ne’ebe negosiante sira fa’an sosa tutan fila fali iha ema seluk hafoin maka sira fa’an.

 

“ Ami hahu husi dader-dader ba hola modo, ami hola  hotu fila fali ba fa’an, ami hola mak ne’e futun tolu $1dolar ami fan fali ida $0,50cen,  ami hetan ida karik hanesan $2 dolar ne’e ami fa’an $0,50 cen  $2dolar ami hetan $0,50cen, Ida ne’e depende de’it ba ami hola modo tuir folin ida ne’ebé maka ami hetan ”, Nia dehan

 

Entertantu Negosiante Natalia de Jesus husi munisipiu Aileu, husu ba Governu atu hadia Merkado Taibessi, tamba fatin (balkaun) ne’ebe sira fa’an sasan ba ema ladun asesu hodi ba sosa, tamba ne’e modo ne’be sira fa’an hodi bele sustenta sira nia oan nia futuru.

 

Jornalista/Estajiadu    : Dwi Adelito de Araujo Magno/ Rogerio Anuno.

Edítor                                    :Sandi Bello

banner 325x300