Kuidadu Ambiente Ne’ebe Mos No Saudavel, Negosiante Taibesi Prontu kopera ho ekipa Jestaun Merkadu.

banner 120x600

(Dili) Taibesi – Portavoz Negosiante Taibesi Prontu kopera ho Ekipa Gestaun, hodi bele asegura ambeinte ne’ebe mos no saudavel iha Merkadu Taibesi. Atu nune’e bele fó impkatu ne’ebe diak ba negosiante no komprador sira nia saude.

Tuir Portavos Negosiante Merkadu Taibesi Juvita da Costa Pereira hateten, sira prontu atu servisu kopera ho ekipa jestaun merkadu hodi hadia ambiente merkadu taibesi Tamba vendedores Sira balun la kumpri servisu  ne’ebe maka ekipa Jestaun Merkadu halao.

“Hau kopera ho Sira Nia servisu maibe Hau hakarak ekipa jestaun Merkadu mai duni negosiante sira ne’ebe la kumpri regulamentu ne’ebe estabele ona”, Dehan Portavos Juvita ba Jornalista media mudansa iha merkadu Taibesi Tersa Feira 28/01/2025.

Portavos Negosiante Merkadu Taibesi Juvita da Costa Pereira

Portavos Negosiante ne’e haktuir, sira nafatin koopera ho Ekipa Jestaun Merkadu, maibe nia husu ba negosiante sira tenki fa’an sasan iha merkadu laran ka fatin ne’ebe governu prepara ona no labele fa’an sasan iha portaun oin tamba bele difikulta fila fali negosiante balun nia sasan nia folin no hamosu engrafamentu.

“Iha nee Fatin balun prepara duni ba kolega vendedores sira maibe kolega vendedores sira ne’ebe mak fatin laiha ba fa’an Netik fali iha liur ka portaun oin, entaun sira laran mos hakarak sai mai faan iha oin ne’e tamba iha laran la folin ona” nia salienta.

Nia deklara tan katak dala ruma ekipa husi jestaun merkadu halo deskriminasaun ba negosiasntne sira tamba dala ruma negosiante sira ne’ebe mak fa’an iha liur nafatin fa’an maibe sira ne’ebe mak fa’an iha laran labele ba okupa fatin nebe’e mak sira liur fa’an.

“Hau mos hakarak atu kopera ho ekipa Jestaun Merkadu atu sira bele organiza kolega vendedores sira atu nune’e bele ba fa’an hotu sasan iha merkadu laran ”nia subliña.

Iha fatin hanesan Xefi Jestor Merkadu Taibesi Carlos Borjes da Silva hatutan, governu prepara ona balkaun ou fatin ba negosiante sira maibe sira nafatin ba fa’an iha area estasionamentu ne’ebe transporte públiku no privadu sira nian. nune’e mos okupa espasu públiku hodi halo engrafamentu iha merkadu Taibesi.

“Terminal laran ne’e ami sempre kestiona beibeik tamba fatin ne’e kareta para ba (parkiran) la’os atu mai fa’an fali modo iha ne’e, vendedores sira labele okupa espasu transporte publiku sira nian wainhira sira halo movimentasaun” nia argumenta.

Xefi Jestor Merkadu Taibesi Carlos Borjes da Silva

Jestor Merkadu Taibesi relata tan, Ekipa jestaun sempre halo aviso beibeik ba negosiante sira ne’ebe mak fa’an iha merkadu taibesi atu labele fa’an iha area estasionamentu no espasu públiku maibe negosiante sira nafatin fa’an iha fatin ne’ebe mak Governu bandu.

“Sira balun husu fatin Mai ami sira atu hodi faan entaun prontu ami buka fatin no prepara fatin ba sira maibe sira abandona tia sira nia faan fatin no hodi halo fali sira nia toba fatin” nia esklarese

Nia rekomenda, husu ba Negosiante sira labele atu fa’an iha terminal laran, tamba tenki kumpri tuir regras ne’ebe mak governu fó on aba negosiante sira. Maibe dala ruma negosiante nafatin fa’an iha fatin ne’ebe mak Governu.

Entretantu ekipa jestaun Merkadu antes ne’e halo enkontro ho vendedores sira hodi bandu total no sei la faan iha Terminal laran inklui fatin estasionamentu sira no mos espasu públiku hodi okupa movintasaun transporte públiku no privadu.

Jornalista/Estajiadu    : Zemidonio Martins /Hilario Chayfan

 Editor                                :Sandi Belo

banner 325x300