(Dili) Quintal Bo’ot-Autoridade Nasionál Komunikasaun (ANC-sigla portugés), ho Konsellu Imprensa (CI) asina nota indentimentu oinsa atu hare di’ak liu ba ema ne’ebe loke Radio no Televisaun iha Timor-leste
“Pasu importante atu halo nusa Konsellu imprensa ho (ANC -sigla portugés) atu hare di’ak liu um nivel, fo lisensa ba iha ema sira ne’ebe atu loke Radiu ho televizaun iha Timor-Leste, tantu (ANC -sigla portugés) hare liu iha parte Tekniku halo nusa maka bele atribui inspektu sira ne’e ba ne’ebe mak uza, mesmu nota indentimentu ida ne’e, hau hanoin (ANC -sigla portugés) sei halo Kordenasaun, ho (CI) atu se de’it mak atu halo aktividade ida ne’e, tenke registu iha (CI), antes atu hetan Frequencia ne’ebe mak sira presiza atu uza”, Dehan Prezidenti ANC Flavio Cardoso Mendonsa ba jornalista sira iha salaun (CI) Dili Quarta, 22/01/2025

Prezidenti ANC deklara katak, nota intermedia ne’e sei ko’alia kle’an liu ho (CI) buka mekanizmu ne’ebe mak sei estabelese komunikasaun sosial ne’ebe barak, mosu arbiru tamba ema uza meius teknologia hanesan, Radio Telivisaun no live streaming.
“Tamba ne’e mak iha dezenvolvimentu sira hanesan ne’e ita mak prepara, hau hanoin ita buka mekanismu entre orgaun rua ne’e, atu halo nusa mak ita aplika buat ne’ebe mak di’ak, ita ninian objetivu ne’e ho nota intendimentu, atu fasilita di’ak liu tan”, Nia Afirma
Prezidenti ne’e katak, ema ne’ebe asesu ba informasaun seguru no kontenti la’os ema asesu informasaun uza meius ida ne’ebe mak atu prezudika fali ema seluk, tamba ne’e mak oinsa atu hare nia intensaun ne’ebe di’ak.
“Hau kontenti ho asina nota intendimentu ne’e atu ita bele iha ko’operasaun ne’ebe di’ak liu iha futuru hodi nune’e ita bele kria ambiente ida ba meius komunikasaun sira ne’ebe diak liu tan”, hakotu Prezidenti ANC Flavio Cardoso Mendonsa
Iha fatin hanesan Prezidente CI Otelio Ote hatutan katak, emeral ho estende ida ne’e simplifika liu tan prosesu no mekanismu atu registu meius komunikasaun sosial sira, (CI) durante ne’e mos problema tekniku konaba oinsa verifika Radio no televizaun sira.
“Tamba ita hatene iha Televizaun ida ka rua ne’ebe to’o agora seidauk bele registu iha (CI), tamba ita presija baze legal lolos ho nia regra ka rekegitus sira ne’ebe los, instituisau rua ne’e halo kordenasaun metin hodi halo verifikasaun di’ak konaba meius kumunikasaun sosial sira ne’ebe atu registu iha (CI) ,no mos meius komunikasaun sosial sira liliu Radio no Televizaun ne’ebe atu registu iha ANC”, Dehan Prezidenti CI
Prezidenti (CI) informa katak, Atu asegura asesu informasaun ba ema hotu hotu, oinsa atu bele fo lisensa ba Radio no Televizaun sira atu bele asegura distribuisaunn informasaun ba sidadaun hotu.
“Ha’u hanoin kuidandu Radio Televizaun ne’e (ANC) mak iha kompetensia atu verifika ida ne’e ami konsellu imprensa so para registu de’it meius komunikasaun sosial sira orgaun komunikasaun sosial sira ne’ebe registu ona liu husi presesu inisiu sira ba ona registu iha serve, hafoin de serve sira bele ba fali (ANC) kuandu sira iha ona Radio Televizaun depois sira bele registu ona mai iha ne’e, para ami bele justifika , nu’udar meius komunikasaun sira ne’ebe legal”, Hakotu Prezidenti CI
Jornalista : Gaudencia Belo/ Estajiada Isabel de Jesus dos Santos
Edítor : Sandi Bello