(Díli) Caicoli – Sekretariadu Tékniku Administrasaun Eleitorál (STAE) halo distribuisaun Buletin de Votus ba Munisípiu 8 Suku 18 no Aldeia 700 ne’ebé mak sei tuir eleisaun suku nian ne’ebé sei realiza iha loron 25 janeiru tinan 2025
“Inisiativa enseramentu distribuisaun buletin de votus ba suku 18 mak sei hola parte no organiza eleisaun suku sira iha dia 25 janeiru tinan 2025 no suku 18 mak kandidatu no total husi suku 18 ne’e sei eleitu 87 membru konsellu do suku ne’ebé kompostu husi xefe suku 18, lia-nain 14, joven mane 14, feto 14, xefe Aldeia 9, delegada no delegado 9”, Dehan Diretór Jerál Sekrétariadu Tékniku Administrasaun Eleitorál (STAE) Elviro Fernandes Moniz ba jornalista sira iha resintu STAE Caicoli, Díli, Tersa 21/01/2025
Diretór Jerál STAE deklara katak suku 18 ne’ebé sei tuir eleisaun mak, suku Hurai-raco no Karahili iha Munisípiu Aileu, Suku Builai, Caibada Makasa’e no Ueru-Mata iha Munisípiu Baucau, suku Poetete Lodudu, suku Poetete Vila, suku Poetete, suku Koliate Leten no suku Assui-Lau iha Munisípiu Ermera, suku Baduro Munisípiu Lautém, Suku Lacu Mesak Munisípiu Manatutu, suku Ili-huli no suku Tahu-Bein, Munisípiu Manufahi, suku Mone-Meco, no suku Cutete, Munisípiu Raeoa, Suku Macadique Uaitame no Macadique de Baixo Munisípiu Viqueque.
“Eleisaun ida ne’e iha partisipante eleitór hamutuk 24.126 mak sei ezerse sira nia direitu iha 25 janeiru 2025, husi prosesu eleitorál ne’ebé lao iha aprezentasaun konsellu suku ho jandidatu hamutuk 55 kompostu husi Mane 52 no feto nain 3”, nia afirma
Tuir Dekretu Lei suku Númeru 9/2016 no Dekretu Governu Númeru 14/2016 orgaun eleitorál nia kompetensia, mak atu apoiu ba Autoridade Munisípiu partikularmente ba orgaun suku sira asembeleia no oragaun konsellu suku iha prosesu konstituisaun de meza aprezentasaun kandidatura prosesu eleisaun kontazen no apuramentu rezultadu.
“Seremonia termu entrega matérial sensitivu no Naon Sensitivu, matérial sensitivu ne’ebé distribuisaun buletin de votus ba xefe do suku nian hamutuk 552 livru, Ita hotu akompaña kada livru iha 50 follas iha mós buletin de votus ba xefe aldeia no delegada ou delegado, ba xefe aldeia hamutuk 74, no ba delegado no delegada hamutuk 46 livru, no 36 livru ba iha Joventude Mane no feto, atu fasilita matérial sira seluk mak urna hamutuk 105 atu bele mós fasilita atividade votasaun nian”, Dehan Diretór Jerál STAE
Matérial sensitivu no Naon sensitivu sai husi Nasionál ba Munisípiu iha loron 21 to’o 23 janeiru ba STAE Munisípiu ida-idak hamutuk ho ekipa tékniku Nasionál destaka ba Munisípiu ho nune’e loron 24 sei halo distribuisaun matérial sensitivu no Naon Sensitivu ba iha sentru votasaun aldeia 700 iha loron 25 no sei rona rezultadu eleisaun suku iha loron 26 janeiru.
Entretantu iha distribuisaun Matérial sensitivu no Naon sensitivu ba buletin votus hetan partisipasaun husi Prezidenti Komisaun Nasionál Eleisaun (CNE sigla Português) Autoridade Munisípiu sira no mós hetan seguransa husi Polísia Nasionál Timor-Leste (PNTL) no seluk tan.
Jornalista: Ekipa Kobertura Média Mudansa
Editora: Sandi Belo
