Negosiante BOBA  José Luis de Jesus, “Iha Tempu Udan Susar Ema Atu Sosa ”

banner 120x600

(Dili) Balide- Iha moris ema hotu presija osan, tamba osan bele sosa buat hotu no halo buat hotu iha mundu ida ne’e, maibe atu hakat ba espasu sucessu  presija esforsu hodi bele hetan no laiha ema ida mak tur deit hodi bele hetan sucessu ne’ebe mak monu husi Lalehan.

Joven José Luis de Jesus,original husi munisipiu Ermera hamutuk ho nia maun alin nain 7, hela iha kapital Díli. Ho situasaun sira ne’ebe familia hasoru husi menus necesidade ekonomia atu sustenta uma laran, maske  joven ne’e  rasik remata deit iha Eskola Seeundaria maibe ho esforsu no kreatividade ne’ebe nia hahu negosiu ho Boba.

“ hala’o Negosiu Ida ne’e  atu hodi bele Sustenta Familia Uma Laran no halo kontenti ita nia a’an ba Saida deit mak Ita iha hodi Presiza ba actividade Loron-loron, Modal ne’ebe hau iha  hodi loke rasik hahu ho fa’an Negosiu Primeiro hanesan kelu sira ne’e, Ho Modal ne’ebe naton husi hau nian rasik no Ida ne’e  la dun iha folin, husi ida ne’e Mak hau hili dalan hodi Loke fali Boba  hau Loke Boba ne’e husi Hau Nia modal rasik hau iha modal 200.$  dolar hodi hala’o Negosiu ne’e,no hau hahu halo Boba ne’e  hau la Presiza bubuk Boba nian Maibé hau halo uza Boba Popais deit, no Oreo u’ut, Boba Musan, ho keju no Indomilk” Hateten José Luis ba Jornalista Média mudansa iha Balide, Tersa 28/01/2025

Negosiante José Luis de Jesus halo hela nia Negosiu Boba iha areadore igreja Balide nia oin

Nia hatutan tan katak, negosiu Boba ne’ebe nia halao hahu aprende liu husi aplikasaun YouTube ne’ebe kada loron nia sempre nonton, husi ne’e hamosu ideia brilante ida hodi nia bele loke rasik nia negosiu Boba.

” Aprende halo Boba hau Nonton Tutorial liu husi YouTube no halo tuir Cara Sira, Primeiru hau tau Kopu  Boba nian depois fakar Popais Ida tun ba no aumenta Susu Enak no be’e manas Oituan, hodi kahur depois  Kahur tia foin tau Boba tun ba no Esbatu, hotu tau Indomilk ba Nia toping mak Oreo no Kejo  Ida nebkonfore Maibé hau tenki halo tuir kliente Sira Nia hakarak,” Nia haktuir

Nia esplika tan, Neggosiu ne’ebe nia hahu iha tinan 2024 iha fulan Juliu, kada loron rendimentu ne’ebe nia hetan kada loron depende deit ba ema ne’ebe mak sosa no dalaruma ho temperatura ne’ebe maka malirin ka udan ema la sosa Boba ne’ebe mak nia fa’an.

“Rendimento loron-loron nian ne’e  depende deit ba temperatura Tamba iha Boba ne kan malirin. karik Rai Manas hau jura tuir kopu Pak Ida hetan 50 kuandu Udan no Mendung Boba sei la hotu, Rendimento ne’ebe hau hetan  Hau ajuda ba alin sira nia Eskola no Sustenta Uma laran, Hau hahu loke Boba ne iha 2024 iha fulan juliu Besik ona ba tinan Ida ho balun, Hau Senti orgulho tebes Tamba ne’e loke Hau Nia hanoin atu buka Osan halo negosiu Ida ne’e Tamba iha  tinan kotuk liu ba hanesan hau laiha Planu atu halo negosiu ida ne no hau Senti hanesan laiha valor, Maibé liu husi Negosiu Ida ne’e bele loke hau Nia hanoin atu buka Osan hodi bele sustenta Hau nia Uma laran” nia deklara.

Maske nune’e maibe joven ne’e nafatin esforsu hodi buka alternativu seluk hodi bele atrai nafatin ema ba sosa ninia produtu nebe’e mak nia fa’an, ho sorte ne’ebe maka diak dalaruam nia bele hetan dolares amerikanu $200 (atus rua resin) ou dalaruam mos bele to’o dolare amerikanu $300 (atus tolu resin), maibe ho situasaun ne’ebe mak nia iha ne’e deit la to’o atu fasilita nia necesidade loro-loron.

” Situasaun Familia ne’ebe Ita atu Rai mos labele Tamba iha Parte Ita nian ko’alia liu kona  Moris ho kultural  no uma laran ne’ebe Presiza Tamba ne agora Modal ne’ebe menus no Hau kontinua fa’an nafatin no Hau la kontinua Estudu Tamba iha situasaun Ida ne’ebe Pai ho Mãe la Mampu atu selu ami nia eskola, Tamba ne’e hau hili dalan fa’an Boba hodi Suporta alin sira nia eskola Inkui mos hau nia Familia sira,”nia Salienta.

Nia salienta tan katak Maske iha Difikuldade  oioin ne’ebe nia hasoru maibe ida ne;e la sai sasukat id aba nia hodi hamate nia esforsu ne’ebe durante ne’e nia halao, tamba laiha ona alternativu seluk, ho pasiensia ne’ebe nia iha no atendementu ne’ebe diak ba nia kliente sira dada nafatin ema nia atensaun hodi ba sosa nia produtu ne’ebe  mak nia fa’an.

Entretantu Nia Joven ne’e mos hakarak hato’o lia menon ba joven sira seluk tenki aproveita tempu no oportunidade hodi aprende, tamba liuhusi aprende maka bele fó solusaun no hanesan joven tenki esforsu hodi buka moris liuhusi dalan saida deit importante maka labele halo a’at  ka hanoin ne’ebe negativu ba ema seluk

Jornalista/Estajiada     : Inácio Silva / Anastacia Lemos

 Editor                                   :Sandi Bello

 

 

 

 

 

 

 

 

 

 

 

 

 

banner 325x300