Tamba deit moris obriga Negosiante Augusta halo negosiu iha dalan ninin hodi sustenta ba nesesidade uma laran no hodi refosa ekonomia Uma laran.
Tuir negosiante Augusta Pereira de Deus deklara,ba jornalista Media Mudansa, Buat ne’ebe motiva hau mak tanba deit moris nia obrigasaun mak ohin loron hau mai tur faan iha Fatin ne’e
“Rendementu ne’ebe mak hau hetan mak kada loron hau hetan $2 ou $3 ida hanesan ou rendementu ne’ebe mak iha sorte diak liu mak $10 ou 12 ida ne’e kada loron liu rendemetu sira ne’ebe mak faan hanesan ;Popmi, Mantolun, Kafe, Sigaru, Bee,no seluk-seluk tan negosiante Augusta dehan ba Jornalista Mudansa iha Edifisiu DNTT Dalidi nia oin.
Nia hatuir, Rendementu ne’ebe mak negosiante Augusta hetan mak hudi hare fali ba familia Uma laran no oan sira nia eskola no lia mate no lia moris sira ne’ebe kona ba nia.
“Dezafia sira ne’ebe mak wainhira hau hasoru mak diak ida ema la sosa,sente tristi boot tebes maibe ida ne’e sai hanesan materia ida ba hau, para hau bele halo refleksaun ba hau nia aan, hirak ne’e hau la renede no la lakon vontade atu hodi hamate hau badinas.
negosiante ne’e deklara, halo negosiu iha fatin ne’e kleur ona kuaze tinan rua(2) ho balun ona iha edifisiu DNTT Dalidi nia oin
Negosiante ne’e sublina, Oras tuku 8:00 negosiante ne’e hahu halo nia negosiu iha edifisiu DNTT Dalidi nia oin no to’o oras tuku 4:00 ou tuku 5:00 nia foin fila ba uma.
Molok fila ba uma negosiante Agusta sempre halo tiha Limpeza,hafoin fila ba uma,
Nia rekomenda, husu liu-liu ba joven sira labele moe atu halo negosiu ki’k sira hanesan ne’e, tamba lui husi buat ki’ik sira hanesan ne’e bele hadia ita nia moris laos diak maibe bele sustenta ita moris loron-loron nian .
Negosiante Augusta orijen husi munisipiu Ermera Postu Administrativu Letefoho suku Eraulu Aldeia Liquisala no daudaun ne’e hela iha Munisipiu Dili Postu administrativu Nain Feto Suku Maskarinas Aldeia Seis.
Jornalista : Zemidonio Martins
Editór : Veraka
