(Díli) Mudansa- Relasiona ho Loron Matebian/Finadu Diresaun Nasionál Transporte Terestre (DNTT) no Polísia Nasionál Timor-Leste (PNTL) hala’o komunikadu Imprensa, hodi Bandu Transporte Públiku sira tula Pasajeiru Viajen ba Munisípiu labele liu transporte nia Kapasidade.
Tuir Diretóra Diresaun Nasionál Transporte Terestre (DNTT) Maria Antonia hateten, nafatin fo atensaun ba kondutór sira ne’ebé lori transporte públiku, atu nafatin kumpri tuir regulamentu ne’ebé mak diresaun Nasionál Transporte Terestre (DNTT) no Polísia Nasionál Timor-Leste aplika ona.
“Dala barak ita hare Transporte Públiku sira hanesan, Bus no angguna liu-liu Bus tula Pasajeirus sira ne’ebé liu tia nia kapasidade Pasajeirus balun tur iha kampaun leten no balun tabele iha odamatan oin, barak liu tabele iha kareta nia kotuk”. hateten Diretora DNTT ba Jornalista sira iha Balide (Dili)29/10/2024.
Diretóra ne’e haktuir, razaun fundamentu sira ne’ebé atu evita asidenti tráfiku akontese maka Diresaun Nasionál Transporte Terestre (DNTT) hamutuk Polísia Nasionál Timor-Leste(PNTL) Departamentu Tranzitu Nasionál liu husi meiu ida ne’e hodi fo hanoin ba Kondutór no kareta nain sira atu nafatin kumpri tuir lei artigu 54 alinea 34 kodiku de Estrada, hodi bandu labele tula pasajeiru liu kareta nia kapasidade bainhira halao viajem ne’ebé do’ok.
“Wainhira Viajen ne’ebé mak do’ok ita kuandu la kontrola a’an bele hamosu dezastre ida ne’ebé mak ita la espera, iha faktu hatudu katak iha loron hirak liu ba semana ida ne’e nia laran iha asidenti trafiku rua (2) ne’ebé mak akontese, kauza husi ema nia komportamentu ”.Nia deklara
Iha fatin hanesan Komandante Tránzitu Rodaviária Nasionál, Superintendente Lius da Costa, haktuir liu-liu Motorista sira foin la-lais iha Munisípiu Ainaro tanba kalan hader to loron no ida ne’e tula tan pasajeirus hodi ba halo kultura asuntu privadu depois fila ba kalan hader to loron tula ema 62 Pasajeirus iha truck ida depois kondutór motorista ne’e kalan hader to dadersan transporta ema sira ne’e fila to ikus hodi hamosu asidenti sira ne’e kauza tanba ema ne’e rasik.
“Tuir fali akontese horseik iha Munisípiu Manatutu nemos hanesan kauza husi ema tanba tuir informasaun ne’ebé mak ita hetan husi Komandu Tranzitu Munisípiu Manatutu katak asidenti ne’ebé Motorista lori kareta halai ho Velosidade ne’ebé makas liu ladun kontrola a’an hodi hamosu dezastre, ida tan fali mos viola regras avizu ne’ebé mak fo sai katak Sirkulasaun Transporte Públiku liu-liu Bus sira ne’ebé mak halo Movimentu iha loron. nia konta
Nia hatutan, asidenti ne’e hamosu iha Behau tuku 8 kalan maibé fiar katak dalaruma Bus ne’e sai husi Viqueque Madrugadu kalan, tanba ne’e ita avizu nafatin asidenti mosu iha Parte rua ne’e fo mos hanoin ba iha Transporte Públiku sira seluk hatene ona katak ita lori no Transporta ema, la’os fatuk ho rai henek nune’e fo atensaun ba motorista sira hotu atu hatene no kuida bainhira viagen do’ok .nia hakotu
Jornalista: Inácio Silva
Editór: Manuel Andrade
