(Ainaru) Mudansa– Sentru Saude Maubisse Munisipiu Ainaru Medika Rotellha Ribeiro hateten, Durante loron tolu Festival Kulturál Rabilau, Sentru Saúde Maubessi rejista moras gastitis ka estomagu hamutuk 45 tanba la han.
“Ami husi Sentru Saúde Maubessi mak responsavél ba atendementu sokuru dahuluk ba públiku ba iha Festival Kulturál Rabilau, ne’ebé hetan apoiu hosi Crus Vermelha Timor-Leste (CVTL), Durante loron tolu hahú inisiu to’o ohin loron hamutuk 45, ita atende moras estomagu tanba la han,” Dehan Médika Rotellha Ribeiro, ba jornalista Media Mudansa iha Festival Rabilau Quinta ne’e 17/10/2024
Nia hatutan tan katak loron dahuluk rejista moras 24, husi kazu ida-ne’e kazu tolu mak presiza halo observasaun no ikus ida mak tenke akompaña no observa kondisaun to’o dader mak foin fila, Loron daruak rejista kazu hamutuk 18, no husi kazu ne’e na’in ida mak tau soru tanba ulun moras no oin halai.
“Kazu ne’ebé ita atende barak liu ne’e moras gastitis no diareia tanba hahán.ne’ebé loron ohin nian foin mak rejista ema ida, Ida-ne’e mak ita atende durante ne’e maibé laiha ema ida mak grave liu no moras hanesan baibain. Kazu hirak ne’e akontese ba idade joven hahú husi tinan 17-33 ba leten,” Hakotu Nia
Jornalista: Gaudencia Belo
Editor : Veraka
