(Ainaru) Mudansa-Kompetisaun sae Bua ne’ebé sai mós hanesan atividade divertimentu ida iha Festivál Rabilau fó biban ba ema hotu-hotu maibé to’o ikus Difisiente Agosto Bareto mak sai manan nain hodi hetan premiu ho osan hamutuk dolar atus ida ($.100).
Kompetisaun sa’e bua ne’e la fasíl dala barak mós la’ós dezafiu de’it ba ema ho defisiensia maibé ba ema ho kodisaun di’ak mós dala barak difisíl atu kompete maibé Agosto maske ho kondiasaun hanesan ne’e maibé nia hakarak prova katak, kondisaun defisiensia la’ós bareira atu involve iha atividade sira ne’e ho ho risku aas
“Ha’u hanesan difisiente ha’u labele lakon oportunidade ba ema ne’ebé ho kondisaun di’ak maske sae bua ne’e risku, maibé tanba iha bua ne’e nia leten hadia sasan barak. Maske bua ne’e pinta ho oli namdoras maibé ha’u labele lakon oportunidade hodi hetan hadia ne’ebé antes ne’e komisaun prepara ona,”dehan Difisiente Agosto Bareto ba jornalista sira iha ambitu festivál Rabilau, Maubise, Quinta ne’e 17/10/2024
Difisiente Antonio Bareto hatete tan, kompetisaun sae bua nee livre ba komunidade hotu la hare ba ema ho difisiente maibé loke ba públiku ne’ebé mak iha interese atu tuir kompetisaun ne’e.
“Ha’u nia maluk difisiente sira seluk lakon oportunidade di’ak ida ne’e maibé ha’u ho kondisaun Difesente ha’u nunka lakon oportunidade ho sira seluk no ohin ha’u konsege to’o ha’u nia objetivu hodi hetan osan 100 dolar no mós hadia sira seluk ne’ebé komisaun prepara iha bua nia leten,” Nia Afirma
Manan Nain Agosto Bateto mós husu ba komunidade hotu-hotu ne’ebé partisipa iha Festivál Rabilau ida ne’e atu mai harame Festivál kulturál ida ne’e, tanba festivál Rabilau nu’udar Festivál kultura ba Timoroan hotu no mós sai mós identidade kulturál Timor nian.
“Ha’u sente kontente tanba mai partisipa festivál Rabilau ida ne’e no ohin ha’u konsege hetan premiu ne’ebé iha bua leten ha’u bele halakon ha’u nia maluk sira ne’ebé ho kondisaun di’ak, Ha’u nu’udar Maubise oan, kulturálmente ha’u huu karau dikur iha Festivál kulturál Rabilau ida ne’e, ami fiar katak nai Prezidente Repúblika sei tau prioridade no halo bo’ot liu Festival Rabilau ida ne’e, ha’u mós husu ba turista sira ne’ebé mai partisipa iha Festivál Rabilau ida ne’e hadomi ita nia fatin turistiku Rabilau ida ne’e keta so’e foer arbiru tau iha nia fatin,” Hakotu Nia
Jornalista : Gaudencia Belo
Editór : Veraka
