(Balibo) Mudansa – Amu Paroku Balibo Arun Eca SVD hateten,Jornalista sai lia lós ba lian laen sira bainhira precisa hato’olia lós ne’e iha risku hanesan jornalista nain lima (5) tanbà públika lia lós to’o lakon sira nia vida.
Amu Paroku ne’e akresenta, maluk jornalista sira nia sakrifisiu liu hosi domin, bainhira halo sakrifisiu sai memori ba ema hotu ohin halo buat balu aban sai istoria,aban ne’e misteriu atu akontese saida ohin loron prezenti atu halo buat ruma sai istoria ba futuru nudar.
“Ita reza ba Maromak ho nia domin halo tuir Maromak nia liafuan hadomi maromak hadomi ema seluk, husu Nai haraik korajen nafatin mai ita laran luak buat hotu ita halo no bá Jornalista sira sai lia lós ba lian laen sira bainhira presija hato’olia lós ne’e iha risku hanesan jornalista nain 5 públika lia lós to’o lakon sira nia vida,”dehan Amu Paroku Balibo Arun Eca SVD bá jornalista liu hosi nia Omilia preside missa ba selebrasaun loron trazedia Balibo Five nian iha Paroquia Bailbo kuarta-Feira,(16/11/24).
Amu ne’e subriña, ohin loron halibur iha fatin ida ne’e agradese Nai Maromak bá jornalista nain 5 ne’ebé mai iha Timor-Leste sira hasoru trazedia to’o fó an ba mate.
“Mai ita agradese Nai Maromak bá jornalista nain 5 ne’ebé mai iha Timor-Leste sira hasoru trazedia to’o fó an bá mate fakar sira nia raan iha Balibo Timor-Leste ita reza ba sira Nai Maromak haraik bensa bá sira deskansa iha reinu lalehan, reza mós bá maluk jornaslista sira atu Nai Mormak tulun no gia sira korajen hato’o lia lós bá povu Timor-Leste liu hosi sira nia servisu.” Nia afirma
Iha sorin seluk Prezidenti Konsellu Imprensa (KI)Otelio Ote mós KI hato’o agradese bá sarani sira hanessn ema hotu hatene konselu imprenda kada tinan sempre marka prezensa iha Balibo hodi selebra trazedia Balibo five dala XI koñesidu ho Balibo Five.
“Agradese ba amu Paroku Igreja Balibo ohin presidi missa ida ne’e, agradese mós bá sarani no populasaun Postu Balibo kada tinan sempre partisipa masimu, Autoridade Postu Administrativu, Auotirdade loka,Polisia Nasional Timor-Leste (PNTL),joven,agradese mós bá Koru sira hananu furak tebes no obrigado barak ami laiha buat ida fó bá sarani Balibo,” Prezidenti KI Otelio Ote Hakotu
Entertantu tuir observasaun Jornalista Media mudansa nian iha terenu nota katak remata missa Prezidenti Konsellu Imprense ho membru tomak hamutuk ho Amu Paroku,sarani, jornalista inklui estudante sira hamutuklori ai-funan bá tau iha fatin ne”ebé jornalista nain 5 mate no hetan partisipasaun hosi Vice-Priemeiru Ministru Parlamentar,Prezidenti Autoridade Munisípiu, Administrador Postu Balibo,Aturoidades, populasaun Balibo,estudante sira, nain ba Media, Xefi Redasaun, jornalista sira hotu, hetan seguransa masimu hosi PNTL Postu Bobonaro nian.
Jornalista : Delfina Borges
Editóra : Sandy Belo
