(Ainaru) Mudansa-Prezidente Komisaun Organizadora Turizmu Rabilau (PKOTR) Adelino Mendosa Espiritu Santo Agradese ba Prezidente Repúblika Jose Ramós Horta tanba bele investe Turizmu furak ida iha MMunisípiu Ainaro Postu Administrativu Maubisse Suku Maubisse ho Naran Turizmu Rabillau
“Agradese tebes ba nai Prezidente maske ho idade ne’ebé avansadu ona maibé hanoin atu investe ba iha konseitu turizmu buras tebes iha nain Prezidente nia ami povu Munisípiu Ainaro Postu Admistrativu Maubusse Suku Maubisse, orguliu tebes no agradese ba apoiu ida ne’e,” Prezidente Komisaun Organizadora Turizmu Rabilau (PKOTR) Adelino Mendosa Espiritu Santo iha nia nia diskursu Festival Rabilau Quarta ne’e (16/10/2024)
Prezidente Turizmu Rabilau Adelino lori povu Ainaro nia naran hakarak husu ba PR nafatin apoiu no labele to’o deit iha ne’e fatin ne’ebé furak tebes husu ba nain ulun sira, oinsa atu fó apoiu nafatin infrastrutura baziku sira ne’ebé sei falta, atu nune’e bele dada vizitante estranjeru sira no turista rai laran no rai liur sira, atu vizita fatin ne’e hodi bele fó servisu ba povu no joven sira ne’ebé ohin loron halerik hela ba servisu.
“Ezistensia Parokia Maubisse iha tinan 2012, iha ne’eba ami fó hanoin ba malu oinsa atu preparasaun ba Festa Parokia nia hanesan natureza loke matan fó hanoin mai ami, katak fatin ida ne’e loron ida sai fatin Turizmu di’ak. Liu deit tinan balun, iha 2017, autoridade lokál iha momentu ne’eba agora mós sei iha liurai Maubisse hamutuk ho grupu lubuk ida hamutuk ho igreija hahu ke’e estrada hodi konstroi gruta ne’ebé iha sorin ba ke’e ho liman fatuk bot-bo’ot deit konsege sira ke’e duni atu nune’e vizitante sira bele to’o iha gruta ne’e,” Prezidente Turizmu Afirma
Prezidente Turizmu hatetan tan katak, tinan balun sira lubun tur hamutuk fó hanoin ba malu no hakerek proposta ba governu atu bele hetan apoiu ruma hodi bele konstrui buat balun, atu nune’e bele dada turista sira no to’o ikus hetan apoiu husi governu bele konstrui buat balun ne’ebé agora dadaun ema hotu bele hare.
“Ami komprimitidu katak fatin ne’e sei la abandonadu ami hahu husi zero ohin loron buat hanesan nee ami sei la husik nia atu monu ba rai ida nee mak komprimisiu ne’ebé ami hakarak hato’o ba nain ulun nasaun nia katak Rabilau sei hakat nafatin ba oin dezenvolve diak liu tan ho apoiu nain ulun sira nia,” Hakotu Prezidente Turizmu
Iha fatin hanesan Lian na’in Postu Maubisse Zakarias Bosan hatutan tan katak, Turismu Komunitariu Rabilau ne’e uluk ho liña Mambae rasik de’it, liu-liu Maubisse fatin ida ne’e bolu ho naran hau krabi maibé konstrui tiha Gruta ida iha fatin ida ne’e atu lori lian ida Mambae bolu hau krabi ne’e la para ba malu no ema hotu atu komprende saida mak hau krabi ne’e.
“Iha tinan 2012 lia na’in ho komunidade aldeia Ramori tur hamutuk hodi ko’alia atu kria kruta ida iha fóho leten no ke’e estrada hodi tama mai fatin ida ne’e ho nune’e komunidade sira mós konkorda ideia ida ne’e, ami hahú uza fórsa ke’e estrada no lalin rai henek to’o iha fóho leten hodi kria kruta ida iha fóho leten, maibé ami nafatin tur hamutuk hodi ko’alia bainhira ita kria de’it kruta ida ne’e, entaun naran ida ne’e Timoroan tomak sei la hatene, ho ida ne’e ami komunika ba malu katak koko halo tok turizmu Komunitariu ida iha fatin ida ne’e, atu nune’e hodi bele atrai Timoroan hotu no mós estranjeiru sira,” dehan Lia nain
Nia Haktuir katak, Fatin ida ne’e konstrui husi Administradór Munisípiu Ainaru no Postu Maubisse Vila no povu aldeia tolu nian hodi servisu hamutuk hadia fatin ida ne’e sai hanesan fatin turismu komunitariu ne’ebé hanaran turismu Komunitariu maibé seidauk koñese husi nai ulun nasaun nian no ema ida mós seidauk hatene fatin ida ne’e.
“Iha tinan kotuk liu bá ami hakbesik ba nai ulun sira atu halo Festival iha fatin ida ne’e no ohin loron ita realiza duni festival Rabilau iha Munisípiu Ainaru Postu Maubisse Suco Maubisse Vila aldeia Ramori, uma lisan rua ne’e ida ho naran Yuit-Lai honida naran det-lai, Yuit-lai katak ita ba konvida ema mai no ida Det-lai katak ida bá dada ema mai,” Nia Relata
Ohin loron ida ne’e ami husi Povu MMunisípiu Ainaro Postu Maubisse Suco Maubisse vila liu-liu povu iha fatin ida ne’e sente kontente no haksolok tebes tanba na’in Presidente Repúblika José Ramós Horta no Vice Primeru Ministeru Mariano Asanami Sabino mai halo abertira ba festival Rabilau ida ne’e.
“Durante beiala sira nian tempu fatin ne’ebé husik karau nian han fatin no ami la espera fatin ida ne’e sai hanesan agora dadaun ne’e i ami la imajina fatin ida ne’e iha futuru sai hanesan ne’e, maibé ho grasa nai Maromak nian bele lori fatin ida ne’e hodi sai ba sai ba iha ita nia rai Timor tomak bele hare’e no mundo tomak bele hare’e katak turizmu Rabilau Maubisse Sei furak iha futuru,” Hakotu Nia
Jornalista : Gaudencia Belo
Edotór : Veraka
