(Díli) Mudansa-Estudante Universidade Oriental Timor Lorosa’e (UNITAL), halo asaun hasoru Reitor sesante Joaquin iha nia kna’ar fatin,tanbà ho títulu lisensiatura asumi kna’ar nudar magnifiku Reitor iha universidade Oriental Timor Lorosa’e (UNITAL).
“Ami nia pozisaun nu’udar estudante Universidade Oriental Timor Lorosa’e (UNITAL) hahú husi estudante ativu to’o finalista ne’e mantein registu no manten iha komitmentu atu hasai dosente Joaquin,tanbà nia la’os ona Reitor ne’e mak ami bolu nia Joaquin deit,” Porta-Voz Julião Pacheco, ba Jornalista iha UNITAL Bekora sesta-feria (09/08/24)
Porta-Voz ne’e esplika,Joaquim lolos ne’e karik nia azitasaun ida uluk liu nia halo diskursu kona bá ninia pozisaun ohin no aban sai nia prontu,maibé realidade fundasaun nain tolu asina ona akta mai husi korpu fundasaun.
“Nia nafatin moe laiha hala’o nia funsaun, hanoin katak ami estudante nia pozisaun mak ne’e karik nia la sai ami hakilar nafatin kontra no ami sei hadau ninia save hodi nune’e nia labele mai tan,tanbá dadaun ne’e nia laiha ona funsaun iha universidade ida ne’e ita bele dehan nia la’os ona servisu iha ne’e,tanbá ne’e maka ami husu bá nia favor bo’ot ida hatene a’an ituan,tanbá korpu fundasaun nain tolu mak asina ona akta katak korpu fundasaun nain lima ne’e maioria mak ema nain tolu,tanbá ne’e ami husu ba Joaquin atu tau respeitu ituan ba ita nia korpu fundasaun nain tolu, korpu fundasaun nain tolu ne’e ita nia aman sira la’os figura bai-bain sira ema ne’ebé luta nain, tanbá sira nia asina ne’e ita bo’ot sira tenki konsidera sira mós korpu fundasaun Universidade Oriental Timor Lorosa’e (UNITAL) nian,” Tenik Julião
Nia haktuir, tuir informasaun ne’ebe sira rona lós duni katak nia lakoi ses husi ninia fatin,maibé saida mak nia lakoi ses husi nia fatin inklui jornalista sira ba husu informasaun iha nia mós nia la fo komentario hahu’u husi komunikadu primeiru to’o remata hetan tia dialogu mós nia nafatin la fo komentariu.
“Ita bele dehan nia kanten poder tanbá nia funsaun laiha ona ne’e hanoin abuzu ona poder Reitor interinu nian, tanbá ne’e husu nafatin ba Reitor interinu para nune’e nia bele hala’o nia funsau servisu durante fulan tolu (3) bazeia ba akta ne’ebe ami iha husu ba nia (Joaquim) dala ida tan tenki konsidera korpu fundasaun, tanbá korpu fundasaun nain lima (5),maibé maioria nain tolu (3) mak asina tiha ona tanbá ne’e tenki tau konsiderasaun mós ba ida ne’e,” Nia subliña
Nia akresenta,lolos ne’e Reitor Interinu hala’o ona nia funsaun,maibé Reitor ida sesante ne’e rasik mak sira bele dehan nia la fo fatin,tanbánia mai bei-beik ne’e signifika la fó ona espasu ba Reitor Interinu.
“Atu hala’o nia funsaun saida ne’e mak fó duni espasu ba Reitor Interinu konserteza sei hala’o nia funsaun Joaquin ne’e mós la fó kadeira ba nia entaun buat sira ne’e sai varailla tia lolos ne’e Reitor hala’o ona nia funsaun,ami nia ne’e Reitor sesante Joaquin nafatin mantein nia pozisaun iha salaun laran mós ami tenki duni nia sai,ami konsidera nian ne’e laiha funsaun iha universidade refere,tanbá ne’e mak atu apela ba Dekanu Fakuldade tomak labele halo tuir bei-beik orientasaun husi nia karta despaisu, tanbá nia la’os ona Reitor UNITAL atu halo Judisium no graduasaun tenki bazeia ba akta ne’ebé mak ami simu,Reitor sesante laiha kompetensia atu hatun despaisu atu autoriza Fakuldade hotu-hotu atu halo programa judisium ka gradusaun,ami alerta husi ida ne’e karik Joaquin mak mantein nafatin nia pozisaun ami sei halo grebek hasoru nia ultimatu ami nian bai-bain ami kolia ona karik ita boot nafatin hala’o ita bo’ot nia funsaun mak ami sei grebek ita bo’ot,” Nia lamenta
Porta-Voz Julião afirma,Ohin mós estudante hein nia,se nia tama servisu estudante sei foti save,tanbá dadaun ne’e nia laiha ona funsaun ne’ebe sira tenki foti save bazeia bá akta ne’ebé mak korpu fundasaun nain tolu asina.
“Ami nafatin rejistu no ami nafatin iha komitmentu to’o hetan nia solusaun lia loos ne’e tenki tau tuir nia dalan se lia loos ne’e mak la tau tuir nia dalan konserteza ami sei halo blokeia total atividade saida de’it iha universidade,hanoin ita hotu hatene katak Reitor Interinu ne’e nia labele foti desizaun, tanbá ne’e Reitor Interinu mós hatene nia funsaun,” Nia esplika
Porta-Voz ne’e afirma, termu ida interinu seidauk difinitivu,maibé Reitor difinitivu tempu badak sei mai atu hala’o.
“Joaquim ha’u la hatene moe mak laiha mak ne’e ka? lolos ne’e nia tenki hanoin hikas fali ninia liafuan ida ne’ebé momentu dialogu nia rasik hatete ohin sai aban sai naran de’it mais depois korpu fundasaun nain tolu asina ona akta nia nafatin mantein ho nia pozisaun, ne’e ami konsidera katak moe mak laiha se moe iha favor bo’ot ida fo fatin ba Reitor Interino halo servisu no husu ba Koaquim bele ba iha ita bo’ot nia uma hala’o fali ita bo’ot nia funsaun hanesan bai-bain iha Universidade ORIENTAL Timor Lorosa’e (UNITAL) ita bo’ot laiha ona funsaun ba estudante ativu to’o finalista laiha funsaun.” Porta-Voz Julião hakotu
Entretantu ho polimika ne’e jornalista sira husu no halo konfirmasaun ho reitor interino maibe reitor interino laiha komentariu
Jornalista : Esperança Monteiro & Remigia Locateli
Editóra : Delfina Borges
