(Laútem) Mudansa – Gestor Parke Nasional Nino Koni Santana e Area Protegida (GPNKSAP) Antonio Da Fonseca hateten, Nino Koni Santana sai hanesan natureza ba Komunidade Munisipiu Laútem.
Tuir Gestor Parke Nasional Nino Koni Santana e Area Protegida (GPNKSAP) Antonio Da Fonseca deklara, Vizaun parke Nasional Nino Koni Santana katak vizaun jeral Parke Nasional nu’udar area natureza no ba ema deklara husi loron 1 fulan Agosto tinan 2008 liu husi resoldasaun konsellu Ministru numeru 8/2017 ho luan ne’ebé mak rihun atus ida tolu-nulu (130 Mil) hektares teresta rihun neen-ualu (68 Mil) hektar, Marina rihun ualu (8 Mill) hektar.
“Husi tinan 2013 ita servisu hamutuk ho parseiru United Nations Edukasional Scientific and Cultural Organization (UNESCO) husi Jakarta hamutuk ho NGO PK ita halo MPA hamutuk lima (5) iha area parte Nasional no husi MPA lima (5) ne’e hamutuk rihun-rua atus haat-nolu (2400) hektar, iha teresta ita halo zonamentu iha tinan 2014,”dehan GPNKSAP Antonio Fonseca bá jornalista iha Munisipiu Laútem sesta-feira (09/08/24)
Nia haktuir, tinan 2014 halo zonamentu iha Parke Nasional iha tempu ne’ebá ne’e iha suku neen (6) no ita identifika klasifika bá zona tolu (3) zona Inti, zona Tapaun, no zona utilizasaun, zona inti hamutuk rihun tolu-nolu (30.000 Mil) hektar no husi rihun neen- ualu (68 Mill) hektar.
“To’o mai iha ne’e bainhira estabelese edifisiu Parke Nasional hatur lei sistema Nasional area protejida dekretu Lei numeru 5/ 2016 katak bainhira parke Nasional hamrik Lei haruka tenki kria komisaun jestaun Parke Nasional,” Nia subliña
Nia salienta, Komisaun Jestaun Parke Nasional ne’e kompostu husi reprezentante kada suku lima (5) no fiar katak tinan ida ne’e ho tinan oin mai ne’e komisaun ne’e bele estabelese ona.
“Parke nasional inklina iha postu lima (5) PostuTutuala, Postu Lospalos Postu Moru, Postu Lore, no Postu Ilomar, iha postu lima (5) ne’e iha suku sia (9) no Aldeia haat-nolu (40) mak iha laran,” tenik Nia
GPNKSAP ne’e hatene,Parke Nasional Nino Koni Santana hanesan parke ida ne’ebé kompletu iha ASIA Pasifiku no iha mundu, tanbá iha parke Nasional ne’e iha lagua orizinal no iha sitius artelogu ne’ebé mak espesifik tebes.
“Tama husi istoria lagua no iha kasifikasaun rua(2) istoria Beiala sira nian no istoria rezistesia tomak iha area Parke Nasional koñesidu hanesan silidu de Nasaun,iha artelogi indentifika Fatuk makerek sira klasifika hamutuk tolu nolu-resin haat, (34) no husi 34 ne’e komunidade sira informa katak rua seidauk detekta no sira Sura ona dezenu ne’e hamutuk atus hitu-nolu (700) ida ne’e mak ita nia potensia boot tebes atu atrai ema atu vizita Parke Nasional.” GPNKSAP hakotu
Jornalista : Zemidonio Martins
Editóra : Delfina Borges
