(Laútem) Mudansa – Secretariu Estadu Floresta husu komunidade Munisipiu Laútem nafatin promove parki Nasional ne’ebé eziste iha Timor Leste.
Tuir Secretariu Estadu Floresta (SEF) Fernandino Vieira Da Costa hateten,Workshop Nasional ba nomeasaun parke Nasional Nino Koni Santana nu’udar sitiu designadu husi United Nations Edukasional Scientific and Cultural Organization (UNESCO) no plano prezervasaun,Workshop ida ne’e ba dala ikus ne’ebé mak ita hala’o iha Munisipiu Laútem no workshop ida ne’e mós premeira vez sira hala’o iha Timor-Leste no oinsa bele promove nafatin parke nasional ne’ebé mak eziste iha Timor-Leste no sira deklara iha Tinan hirak Liu ba.
“Objetivu atu eleva liu tan estatutu parke Nasional no rejistu ba iha organizasaun mundial United Nations Edukasional Scientific and Cultural Organization (UNESCO) atu Nune’e bele hetan rekoñesimentu husi organizasaun mundial sira no sai hanesan Patrimoniu mundial nian,” dehan Secretariu Estadu Floresta (SEF) Fernandino Vieira Da Costaba jornalista liu nia diskursu iha munisipiu Laútem sesta-feira (09/08/24)
Nia akresenta, Parke Nasional Nino Koni Santana area ne’ebé mak luan rihun atus ida tolu-nulu (130 mil) kilomentu ba leten no kompostu husi Marina no terestre ne’ebé mak iha laran no sitius Istoriku lubuk ida husi ne’e atu dezenvolve,tanbà ida ne’e ajuda husi klientu Indonezia sira husi mós belun Japaun, no UNESCO Jakarta hodi bele dezenvolve ho diak liu tan.
“Ita dezenvolve diak la’os de’it resposabilidade ba sira ne’ebé atu ajuda ita prepara rekezitus legais Administrasaun no tuir kriterius United Nations Edukasional Scientific and Cultural Organization (UNESCO) nia hakarak no apoiu husi Presidente Autoridade Munisipiu to’o iha Suku ou Postu Administrativu no Munisipiu,” Nia subliña
Nia afirma, Oportunidade Ida ne’e hakarak hato’o nu’udar Secretariu Estadu Floresta no Ministeriu Agrikultur pekuaria peskas e Floresta ne’ebé iha kompetensia atu jere Floresta iha Timor-Leste ba sustentabilidade ne’ebé mak iha dever no obrigasaun nafatin fó atensaun ba ema hotu ba parke ida ne’e.
“Paisazen natural ne’ebé mak agora dau-dauk iha ne’e bele kalae ita asegura to’o tinan naruk ida ne’e resposabilidade ba ita hotu no la’os resposabilidade bá Governante sira de’it,maibe ba ita hotu,” dehan Nia
Nia hatutan, durante akompaña horiseik haree iha estrada ninin ne’e ema faan ai-sunu barak no kasa animal ne’e fó ameasa ba parke Nasional.
“Agora prezensa Corpu guarda Floresta hamutuk ho Autoridade lokal Sira ne’e importante atu prevene asaun ilegais sira ne’ebé la’o nafatin iha ita nia Munisipiu Laútem ita lahalo ita la Vale atu hela no tuur iha Fatin ne’e,ha’u mós ema Laútem oan no ha’u hakarak parke ida ne’e la’os de’it iha kalan,maibé tenki halo buat ruma no tenki kria kondisoens ruma hudi bele atrai ita nia vizitante sira no ita nia turista sira bele mai visita Timor-Leste,” Nia hakotu
Jornalista :Zemidonio Martins
Editóra : Delfina Borges
