(Díli) Mudansa – Peskizadór ONG La’o Hamutuk hanesan mós koordenadór Klibur Estudante Juventude Suku Sagadate (K-JUS), Celestino Gusmão Perreira hateten, iha suku Sagadate dadaun ne’e hasoru Problema oi-oin hanesan Mal-nutrisaun, insufisiensia ai-han, bee-moos kauza hosi Mudansa Klimatika.
“Iha Suku Sagadate polulasaun hasoru problema hanesan ki’ak, mál-nurtisaun, insufisiente ai-han, problema bee-moos kuálidade servisu públiku sira, hasoru problema barak kauza hosi Mudansa Klimatik,”dehan Peskizadór La’o Hamutuk liu hosi intervista, hafoin halo briefing bá Jornálista sira halo (Media Tour) iha Laga Suku Sagadate, iha salaun Oxfam, hudi laran, kinta-feira (08/08/24)
Nia akrésenta, iha postu Laga, Suku Sagadate infrenta kuaze problema Timor-Leste nian hotu, impaktu hosi problema mak mudansa klimatika, afeta ba inan no fetoran sira tenke la’o do’ok hodi kuru bee-moos.
“Problema barak mosu iha Laga, suku Sagadate, balada sira mate tanbá hahan la iha, bee la iha, rai manas halo ai-horis sira mate, maske popúlasaun sira kuda hahan barak maibe la moris tanba ne’e, iha tinan kotuk PERMATIL ho K-JUS reáliza akampamentu Joventude bá Perma-Kúltura ne’ebé koko esforsu atu halo adaptasaun bá krize klimatika ne’ebé ita nia rai enfrenta dau-dauk liu-liu kona-bá konservasaun bee, konservasaun rai no ambiente, ami hahú tiha ona balun no sei kontinua halo ida ne’e,” relata nian
Nia esplika tan, problema rai manas Globál problema klimatikas ne’e afeita makas bá dimensaun ema nian, entaun iha aspetu hotu-hotu, aspetu moris ema nian kona-bá bee, Agrikúltura, balada sira, floresta ne’e afeitadu makaas teb-tebes.
“Ita tenki esforsu makaas tanbá maske la’o neneik maibe bei-beik, tanba dezafiu mak barak foinsa’e sira hakarak mai hotu Díli hodi hetan Edukasaun, barak sai bá Nasaun seluk entaun lakon oportunidadehodi dezenvólve ita nia Suku, ita esforsu hodi hasai popúlasaun hosi difikúldade sira ne’ebé iha, ita seidauk tarde, ita sei kontinua haree oportunidade sira hodi ajuda ita nia Joven ho popúlasaun sira.”Nia hakotu
Jornálista: Ana Ribeiro
Editóra: Delfina Borges
