(Laútem) Mudansa – Sekretariu Estadu Floresta (SEF) Vizita sitiu parke Nasionál ho objetivu haree direitamente area turístiku sira iha Postu-Administrativu Tutuala Munisipiu Laútem.
Tuir Sekretariu Estadu Floresta (SEF) Fernandino Vieiria da Costa hateten, ohin loron hanesan loron da-ruak nian, kontinuasaun ba vizitasaun programa ne’ebé mak hanesan horseik hala’o Worksop iha Dili Ministeriu Negósiu Estranjeiru (MNE) nian no agora dadauk mai hala’o klip trip bá Postu-Administrativu Tutuala ho objetivu atu haree direitamente objetu turistiku sira.
“Objetu turistiku sira ne’ebé poténsial bá Governu hodi atu dezenvólve hadia rendimentu bá ekonomia Estadu, tanbá ne’e bá sira ne’ebé ohin partisipa hosi Ministeriu Agrikúltura Pekúaria Peskas (MAPP) no Floresta hamutuk ho liña Ministeriais hosi Ministeriu Turizmu Ambiente (MTA), Ministeriu Edukasaun Ensinu Superior, Ministeriu Negósiu Estrangeriu (MAE)no Sekretariu Estadu Arte no Kúltura (SEAK),” dehan Sekretariu Estadu Floresta (SEF) bá Jornálista iha Postu Tutuala,(08/08/24)
Governante ne’e deklara, Envólve Ministeriu barak,tanbá fatin Nasionál ne’e ezisti depois iha deklarasaun ne’ebé mak sira deklara ona.
“Objetu turistiku ne’ebé mak hanesan iha parki Nasionál nia laran ne’e, iha poténsia tebes,tanbá ne’e ita envólve ho Ministeriu barak para oinsá atu eleva, kona-bá dezenvólvimentu parke Nasionál no hasai ninia estatuta sai hanesan ninia valór estàtistika no ekólojia ne’e rejistu iha organizasaun Mundiál,” Governante ne’e subliña
Nia esplika,ekipa ne’e kontinua mai la’os hosi parte Timoroan de’it,maibé mós hosi matenek nain sira husi Indonezia no Japaun mai ajuda hodi observa fatin hodi bele rejistu dokumentu no bele sai United Nations Educational, Scientific and Cultural Organization (UNESCO Sigla Inglesh) no rejistu iha organizasaun Mundiál no bele sai patrimóniu Ida.
“Ekipa Ida ne’e mai no kontinua nafatin hodi observa fatin ne’ebé mak sai objetu no ita mai la’os de’it hosi parte Timoroan de’it, maibé iha mós matenek nain sira ne’ebé mak mai husi Indonezia mai husi Japaun no Profesor Proanto mai ajuda para oinsá ita bele prepara rekezitu ruma no dokumentu ruma para oinsá atu bele sai hanesan rekejitu baze United Nations Educational, Scientific and Cultural Organization (UNESCO sigla Inglesh) nian no ita bele rezistu bá iha organizasaun Mundiál no sai hanesan patrimóniu Ida,” Nia esplika
Nune’e mós nia hatete, Primeiru atu hadia infraestrutura,tanbá durante periodu tinan 22 ona Timor ukun-aan Governu Timor-Leste deklara parke Nasionál (Nino Koni Santana) no tinan 14 abandona no la dezenvólve tanbá falta nia infraestrutura no kondisoins ne’ebé mak ladun di’ak.
“IX-Governu Konstituisionál iha politika oinsá servisu hamutuk entre liña Ministeriais atu bele dezenvólve kondisoins no infraestutura hodi bele atrai ita nia turistiku sira bele mai vizita iha fatin ida ne’e, tanbá agora ita mós iha area poténsia no objetu ne’ebé furak ita bele promove, maibé fasílidade laiha no kondisoins sira hodi bele fasílita ita nia vizitante sira no ita nia turistika sira, ida ne’e mak sai ita nia problema bo’ot, tanbá ne’e mak prioridade premeiru atu dezemvólve mak Governu tenki kria Kondisoins bá fatin sira ne’ebé mak sai objetu bá fatin turistiku sira.” Nia hakotu
Jornálista : Zemidonio Martins
Editóra : Delfina Borges
