(Laútem) Mudansa – Prezidenti Autóridade Munisipiu Laútem (PAM-L) Melio De Jesus Hatete,Objetivu vizita parke Nasionál (Nino Koni Santana) atu asina nota entendimentu ida nuda’ar baze bá dadus ida hodi ekipa servisu lori bá rejista iha United Nations Educational, Scientific and Cultural Organization (UNESCO sigla Inglesh).
Tuir PAM-L Melio De Jesus akresenta, objetivu ohin mai iha Parke Nasionál (Nino Koni Santana) hanesan kontinuasaun hosi Worksop ne’ebé hala’o abertura iha Díli horseik durante loron tolu (3) no kontinua mai iha Autóridade Munisipiu Laútem atu bá vizita Parke Nasionál.
“Depois vizita ida ne’e mak foin bá kontinua fináliza worksop iha Autóridade Munisipiu Laútem para responsabílidade sira atu asina nota entendimentu ida ne’ebé nuda’ar baze bá dadus ida hodi ekipa ida ne’ebé servisu lori ita nia Parke Nasionál bá rejista iha United Nations Educational, Scientific and Cultural Organization (UNESCO) no bá Asosiasaun Internasionál sira ne’ebé tau matan bá situs Nasionál sira,” dehan PAM-L Melio De Jesus bá Jornálista iha Postu-Administrativu Tutuala Munisipiu Laútem (08/08/24)
Govrnante ne’e afirma, atu kompleta bá prosesu tomak ne’ebé tuir Lei rekezitus ne’ebé prevee no sira bele hetan estatutu ida ne’e mak objetivu hosi vizita ohin loron nian.
“Ida ne’e hanesan parte ida hodi ekipa ida ne’ebé atu hakerek no priense rekezitus sira no antes ita tama bá iha ita nia Parke Nasionál (ino Koni Santana) nomós tama bá iha United Nations Educational, Scientific and Cultural Organization (UNESCO sigla Inglesh), rejistradu iha UNESCO ne’e parte ida hodi sira atu priense rekezitu sira nia mai estuda no tau ita atu bá iha parte ida ne’ebé no hanesan ita bo’ot sira akompaña ita tama bá iha kategória lima (5) nian no iha Mundu hamutuk kategória sanulu (10), Nia akrésenta.
Nia subliña, agora Timor tama ona bá iha kategória lima (5) nian,tanbá ema mós partense bá natureza ne’e diferente ho Nasaun sira seluk no liu-liu hanesan Indonezia sira hamutuk rejistradu ona rua-nulu (20) .
“Agora ita nian komúnidade hela kedan iha Parke ne’e rasik no iha ne’ebá mós iha atividade Kulturál no seluk tan, tanbá ne’e mak ita tau iha Parke Lima (5) nian no prosesu sira ne’e mak ita hetan apoiu hosi ita nia maluk sira husi Indonezia iha Badan Recep Inovasio Nasional (BRIN sigla Bahasa Inonezia) sira mai apoiu ita, tanbá sira ne’e mak durante lori prosesu Indonezia nian bá rejistradu iha United Nations Educational, Scientific and Cultural Organization (UNESCO sigla Inglesh) no sira mai apoiu ita, sira mai haree ida ne’e hodi sira bá tuir rekezitu sira ne’e ita hein katak setembru bele anúnsiu iha China,” Governante ne’e esplika
Prezidente Autóridade ne’e hatutan, Ira-lalaru ninia natureza uluk kedan iha Indonezia nia tempu ne’e peskiza husi Norwegia no depois ukun-aan liu hosi Ministeriu Petroliu no iha momentu ne’ebá Alfredo Pires mak sei asumi papél nuda’ar Ministru ida ho malae sira mai peskiza ona bá Ira-lalaru.
“Iha potensiálidade bo’ot ita halo bá iha parte agrikúltura ninian ami bá iha erigasaun nune’e mós uza bá iha ninia Eletrisidade ne’ebé bele,maibé ninia debit ne’e mak ladun bo’ot ita oferese bá Iha Timor laran tomak sei labele, tanbá tuir informasaun ne’ebé Ministru hatete mai,munisipiu Laútem iha hanoin ona atu ko’alia ho investór sira liu-liu dezeñu ida ne’ebé sira hosi parte Coreia Sul fó mai oinsá atu dezenvólve Ira-lalaru no hale’u tiha Munisipiu Laútem no bee ne’e nalihun fila-fali bá ninia hun,” Autoridade Melio subliña
Nia dehan,sira atu halo ninia bendungan bo’ot ida bele fornese bá iha Agrikúltura atu sai irigasaun no bendungan ne’e rasik atu bele mós sai parte turistika ninian,maibé ida ne’e sei planu.
“Ita sei halo estudu ida ne’ebé klean no oinsá ita bele utíliza Ira-lalaru ne’e bá iha area prodútiva sira,ita tenki iha esperansa ida katak Lospalos riku ho natureza no rikusoin oi-oin Lider ne’ebé de’it hakarak atu mai hetan konfiansa no hetan responsabílidade mai iha Munisipiu Laútem tenki hanoin no prosesaun ne’ebé bá iha futuru no tau esperansa katak ita utíliza ita nia rekursu tomak bá dezenvóllvimentu Munisipiu Laútem no bá Povu nia moris di’ak.”PAM-L Melio hakotu
Jornálista : Zemidonio Martins
Editóra : Delfina Borges
