(Dili) Mudansa -Amu Bispu husi Diosese 3 Maliana, Baucau, Dili hasoru malu halo observasaun direita ba iha fatin Katedral no Tasi Tolu vizita sua santidade nian.
“Objetivu ami mai vizita ida ne’e hare
fatin servisu ida ne’e ba parte Governu ho Igreja halo servisu ida ne’e diak loloos parabéns ba imi agora sidauk 100%, maibé ba oin nafatin buat diak ida parabéns ba imi komesa iha ne’e depois sei ba vizita iha Katedral hare lai iha katedral depois hotu iha katedral sei ba liu Tasi Tolu hodi hare ne’e oinsa,” Dehan Diosese maliana Dom Norberto do Amaral ba Jornalista iha Motael sesta-Feira (09/08/24)
Iha fatin hanesan Amu Bispu Diosese Baucau Dom Leandro Maria Alves mós hatutan, agradese ba konvite no ba pedidu ne’ebé husu atu mai hare direitamente oinsa mak servisu iha ne’e agradese tebes, tanbá servisu hotu-hotu lao mesak diak iha kordenasaun ida ne’ebé mak diak tebes entre parte preparasaun atu simu Amu Papa nian.
“Ohin tuir esplikasaun ne’ebé maka parte Governu ho ekipa esplika senti kontenti, tanbá iha preparasaun hatudu entuziasmu husi ita nia Governu ho Igreja mós ita hare kolaborasaun ne’ebé mak diak ne’e duni ita bele dehan ita hatudu sai ita ninia an ida hanesan sarani nomós hatudu ita nia an ne’e hanesan Estadu ida ne’ebé maka sempre kolabora ho Igreja ne’e duni agradese bá ekipa tomak ne’ebe mak prepara ba vizita ida ne’e,” tenik Amu Bispu Diosese Baucau Dom Leandro Maria Alves
Bispu Diosese Baucau hatutan,Hafoin iha oportunidade ida ne’e mós atu fó hanoin bá sarani sira atu labele hakfodak mai partisipa misa Amu Papa mai.
“Ita hotu ne’e mai partisipa hodi bele simu bensaun husi Amu Papa nomós ita bele hatudu manefesta ita nian ba Amu Papa ne’ebé mak dehan lori bensaun mai ita,iha buat oin-oin ne’ebé maka rona iha ita nia sosiedade ida ne’e ita buka atu importante ita ba hasoru malu ho Amu Papa atu amu papa haraik bensa mai ita hotu,ohin ita hotu hatene sei iha hela progresu ba finalizasaun nian ita hare iha prosesu ne’e katak balu finaliza ona,maibé balu iha prosesu ne’ebé mak ita hare falta ituan deit ona, hodi atu bele to’o iha akabamentu atu finaliza ona,” Nia hakotu hakotu
Entretantu amu Bispu husi Diosese tolu ho parte Governu tuun direitamente hodi halo observasaun fatin Katedral no Tasi-Tolu ne’ebé tempu badak Amu papa sei mai halo misa, iha sira nia observasaun ne’e katak seidauk to’o 100%,maibe iha ona 90- 95% ona.
Jornalista : Esperança Monteiro & Inacio Silva
Editóra : Delfina Borges
