(Díli) Mudansa – Arsebispu Arqediosese Metropolitano Dili, Dom Virgílio Cardeal do Carmo da Silva, SDB hatete, informasoins ne’ebé la’o kria hela konfuzaun barak iha sarani no povu sira nia le’et,tanbá ne’e mak ohin mai koalia ona ho parte Governu.
Arsebispu ne’e akresenta, iha semana oin sira sei hala’o enkontru ida ne’ebé ekipa rua sei tuur hamotuk atu rekoilla hotu informasoin ne’ebé durante ne’e la’o, tempu sei aprezenta detaillu liu-liu oinsa atu tama iha Tasi-Tolu no tama iha Katedral,oinsa taun buat kiik oan sira ne’ebé agora dadaun sei kria hela konfuzaun sarani tomak.
“Ami planu ona semana oin halo enkontru depois enkontru segunda hanoin bele fó tan informasaun atu nune’e bele ajuda ita nia sarani sira hetan informasaun ne’ebe loos, ne’e duni fó hanoin katak informasaun loos, ne’e duni ami ho haraik an husu nafatin parte uma kreda ho Estadu nian mak sei fó sai informasaun depois segunda enkontru,”dehan Arsebispu Arqediosese Metropolitano Dili, Dom Virgílio Cardeal do Carmo da Silva, SDB ba jornalista sira iha Motael Díli,sesta-feira(09/08/24)
Kardeal ne’e esplika,Amu papa mai ba ema hotu, ba iha halo registu ne’e la’os atu limite,maibé registu ne’e atu bele hatene sarani sira husi munisipiu tuun mai presiza transporte meus oinsa atu ema tama to’o mai iha Díli laran.
“Haruka rejistu atu hatene sarani sira husi munisipiu mai ne’e,presiza hatene sukat fatin espasu ne’ebé prepara iha Tasi-Tolu, Kada Paroquia no kada munisipiu ema nain hira? atu nune’e ita nia sarani sira mós tau tuir, ne’e duni registu la’os atu limite ne’e atu kontrola organiza diak liu tan ema bele to’o,” Tenik Dom Virgilio Cardeal
Amu Bispu dehan, agora kona ba katuas, ferik idade la’os la fó, maibe dehan depende se senti idade haat-nulu (40) mak moras ne’e ida-idak tenki hatene nia an se nia moras entaun nia labele ba partisipa missa .
“Bá katuas sira ne’ebé idade haat-nulu (40) la’os la fó, maibé depe de senti moras hatene an nia abele partisipa missa, ba iha sira idade liman-nulu resin-sia (59) no idade neen-nulu (60) dehan katak forti hela bele ba partisipa missa loron tomak iha Tasi-Tolu aguenta ho rai rahun kosar manas sei bele ida-idak mak responsabilidade,bá iha bebe inan-aman sira mak responsabilidade, ida ne’e ita la limite ida ne’e, tanbá iha ne’eba ita hatene katak ema barak rai manas,maibé inan-aman sira mós tenki hatene lori labarik kiik sira bá iha ne’ebà ,tanba fatin ne’ebá nakloke ba ema hotu,” Sersebispu Diosese Dili hakotu
Jornalista : Esperanca Monteiro/Inacio Silva
Editóra : Delfina Borges
