(Laga) Mudansa-Responsavél Tekniku Klibur Estudante Juventude Suku Sagadate (K-JUSS) Raimundo Gusmão hatete, iha tinan 2021 komúnidade sira iha ne’e seida’uk asesu bá bee mós sira halo konservasaun ho komúnidade sira hotu iha bee matan naran l Itamilari ne’e.
Responsavel ne’e akresenta,tinan barak nia laran komúnidade iha Aldeia Selegua, la asesu bá Bee sira la’o minutu 30 nia laran mak foin kuru bee,tanbà ne’e Grupo K-JUSS ho matenek lokál iha esforsu rasik dada bee bá komúnidade sira iha Aldeia Selegua.
“Ami halo konservasaun ho rezúltadu positivu diak no mai iha tanke dezervativu ne’e, iha tinan 2022 Bee ne’e sai di’ak tebes bá komúnidade sira entaun komúnidade interese halo tan tanke ida, iha fatin taragoa ne’e,” dehan Responsavél teknik Raimundo,bá Jornálista hafoin halo media Tour, iha Aldeia Selegua, Postu Laga, Suku Sagadate,sabado (10/08/24).
Nia explika, husi bee matan Itamilari konservasaun ho pozitivu di’ak bee dada mai komúnidade kanáliza ona ba sira hela fatin uma kain Ualu (8) mak asesu ona Bee mos, konservasaun halo iha bee matan Borudau benefisiariu hetan konservasaun bee mós ne’e hamutuk uma kain sanulu resin-ualu (18) ne’e mak asesu ona ba bee mós,utiliza mós bá kuda modo.
”Husi bee matan itamilari ho bee matan Borudau mai to’o iha tanke dezerva ne’e metru 120, tanke dezerva ne’e nia kuadradu 6×6 no mós tanke iha laran ne’e 3×3,”Tenik Nia
Iha fatin hanesan, Benefisiária Eugenia da Costa belo mós hatutan, senti orgullu tanbá agora sira kuru Bee la’o besik ona agora bee tama liu sira nia uma.
“Uluk ami kuru bee husi uma bá bee matan ne’e la’o to’o minutu 30 mak foin hetan be’e matan no ami loron ida kuru bee dala tolu (3) lori jeriken litru 5 ne’e tolu ida tutur rua hiit,” tenik Bemefisiaria Eugenia
Nia dehan, Be’e ne’e sira utíliza mós ba hakiak modo,maibé modo sira ne’ebé haki’ak bá konsumu de’it.
Iha sorin seluk Eliza Belo mós relata, durante ne’e sira kuru be’e iha be’e matan Nanira dala -ruma sira uza karosa no dala-ruma sira hiit de’it.
“Be’e ne’e ami uza ba nesesidade loro-loron nian de’it bee ne’e utíliza mós bá modo,maibé modo ne’e bá konsumu de’it,ami hakarak atu kuda modo barak, maibé bee mak la to’o ha’u husu ba parte relevante atu responde bá ami nia perkupasaun sira, bee mós liu-liu bá estrada sira ne’e hodi ami kuda modo atu nune’e ami bele ba fa’an iha merkadu,”Tenik ni
Entersntu,iha Aldeia Selegua,populasaun hamutuk 251, komppstu husi mane 118, feto 133 no uma-kain hamutuk 59 no uma hamutuk 58,defisiéensia nain tolu (3).
Jornálista :Ana Ribeiro
Editóra:Delfina Borges
