(Laga) Mudansa– Eskola Basika Filiál (EBF) Selegua durante ne’e hasoru problema menus fadilidade hodi fó impaktu bá estudante sira bainhira hala’o prosesu aprenisazen.
Profesóra Eskola Basika Filiál (EBF) Selegua,Terezinha Gusmão hatete, durante ne’e sira enfrenta problema barak iha eskola, problema ne’ebé estudante sira hasoru mak menus fasílidade sira,menus profesor,bee moos,
“Eskola basika Filiál menus fasilidade hanesan haris fatin laih,meza, kadeira la sufisiente, la iha Bibleoteka inklui falta sala bá estudante nomós menus Profesóres sira hodi hanorin estudante sira, nune’e Eskola refere iha de’it Profesóres na’in tolu hodi hanorin estudante sira,ami husu ba Governu liu-liu ba Ministeriu Edukasaun, nune’e bele ajuda ami-nia Eskola no bele hadia sala bá estudante, tanbá sala ne’ebé mak durante estudante sira uza hamutuk sala tolu, tanbá ne’e la sufisiente ba Estudante hodi hala’o Prosesu aprenizajen ho di’ak inklui oferese mós meza kadeira, halo mós bibleoteka inklui prepara haris fatin bá amu,” Dehan Profesóra ba Jornálista hafoin halo media tour,sabadu (10/08/24)
Profesóra ne’e akrésenta, Estudante ne’ebé hala’o aprendisajen iha Eskola menus tebes fasílidade hodi ajuda estudante EBF Selegua atu hala’o Prosesu aprendisajen iha Eskola refere. Aleinde mos ho fasílidade sira menus bee hodi fasílita merenda Eskolar bá Estudante sira.
“Obrigatorimente Estudante sira tenki kuru bee hodi lori bá te’in,estudante sira hamutuk haat-nulu resin-neen (46) ho sala tolu, iha Aldeia Selegua, Suku sagadate, postu Laga,” Nia afirma
Iha sórin selu Autoridade Lokál, Xefe Aldeia Selegua, Aleixo Belo Pereira mós hatutan, durante ne’e observa eskola eziste iha Aldeia Selegua difikúldade barak mak estudante no Profesóre sira hasor.
“Estudante no professor sira haoru difikuldade loos,nu’udar parte Autoridade ho Inan-Aman sira voluntariamente no iha inisiativa rasik hodi halo dapur ba estudante sira hodi halo mereda Eskolar no eskola EBF Selegua la’os de’it hasoru Problema ba aula,maibé sira mós hasoru Problema la iha bee moos no Governu nunka tau matan ba estudante sira,parte Autoridade lokál nomós grupu husi Klibur Estudante Juventus Suku Sagadate (K-JUSS) mak esforsu hodi dada bee bá estudante sira, maibé kuandu iha Tempu bailoron bee bele maran hodi afeta bá estudante sira,”Tenik Nia
Autoridade ne’e afirma, obrigatóriamente estudante sira tenki lori jeriken hodi bá lalin bee iha bee-matan seluk, tanbá dadaun ne’e mós bee ne’ebé iha maran ona,husu bá Governu liu-liu Ministeriu relevante bele tau matan bá estudante sira sira mak futuru nasaun nian.
“Ha’u husu ba Governu liu-liu
Ministeriu relevante sira tau matan bá ita-nia oan estudante sira,tanbá ita-nia oan sira mak sai hanesan futuru bá Nasaun ne’e nian, nomós menus Profesóres hodi hanorin estudante sira, no eskola refere iha Profesóres kontratadu na’in rua no voluntariu na’in ida, Profesóres kontratadu na’in rua durante VIII-Governu simu salariu mais IX-Governu sira la iha salariu,” Autoridade ne’e relata
Nia relta Eskola EBF Selegua hanesan Eskola ne’ebé lokaliza iha sentru bele asesu husi Aldeia Selegua,Aldeia Onebu’u, nomós asesu husi komúnidade sira iha Suku Samalari no Aldeia Lalulai inklui Suku Sagadati nia oan sira, tanbá ne’e estudante ne’ebé iha hamutuk 46 kompostu husi Feto 18 no Mane 28 estudante sira iha sala tolu, hahú husi primeiru ano to’o quartu ano, tanbá ne’e sira fahe aula la to’o.
Jornálista : Ana Ribeiro
Editóra: Delfina Borges
