(Díli) Mudansa–Diretor Ezekútivu Fundo de Dezenvolvimentu Kapital Humano (FDCH sigla Portugués ) Júlio Aparício hateten, iha mandatu IX Governu tinan 2024 FDCH rejistu bolsu por-meritu hamutuk 117 ne’ebé mai husi FDCH rasik
“Iha tinan 2024 ida ne’e Fundo Dezenvolvimento Kapital Humano (FDCH sigla portugués ) rejistu bolsu estudu por-méritu ne’ebé mai husi FDCH rasik ne’e hamutuk 117 ne’ebé ami loke ona balun ba ona hanesan dosente Universitariu sira ne’e ba tiha ona, pois ba anestense liu hotu ona, IX Governu nia tempu ami tenke halo fila fali foun oinsa atu hadia di’ak liu tan ba benifisiaru sira hotu-hotu,”Dehan Diretor Ezekutivu FDCH Julio Aparicio ba jornalista iha Delta Nova Dili Quinta (04/07/24)
Diretór FDCH akresenta, agora dadaun FDCH prosesu hela bolsu estudu ne,ebé estudante sira sei ba Tailandia no Malaysia ne’e agora sei iha hela prosesu nia laran depois Kuba nian ne’e bolsu por-méritu ne’ebé mak sentraliza iha FDCH.
“Ami mós fó fiar ba reforma justisa ne’e ba ema hamutuk 50 ne’ebé agora mós iha prosesu nia laran, ami sei haruka ba iha Portugal, iha mós ami Ai Navigation Administration Timor- Leste (ANA-TL Sigla Inglés) ne’e aviasaun ninia mós agora iha hela prosesu tes no selesaun dokumentus nia laran preoridade ba aréa Saúde, Enjenaria no mós direitu,” Nia Afirma
Nia hatutan, bolsu estudu mós FDCH la taka dalan ba aréa siensia sosiais sira seluk kada aréa ida depende kustu ba ema Universidade sira ida-idak nian hanesan ba Portugal selu propinas kustu vida la hanesan Indonesia Tailandia, Malaysia mós la hanesan depende kustu vida ba ema ida-idak nia moris iha ne’eba.
“Kuandu ba rai liur iha bolsu parsial no mós bolsu por-méritu ne’ebé bolsu kompletu bolsu parsial katak inan-aman selu propinas, entau FDCH responsabiliza kustu vida, se inan-aman responsavel kustu vida, entau FDCH responsabiliza profinas ne’e ba bolsu parsial,” Relata Nia
Diretór Ezekútivu FDCH akresenta liu tan katak bolsu kompletu ne’e bolsu ne’ebé FDCH rekruta ne’e bolsu kompletu ne’ebé buat hotu responsavel husi FDCH nia liman, ho númeru ne’ebé mak iha FDCH investe ona orsamentu por volta 300 Miloens i tal komesa husi tinan 2011 to’o mai iha 2024.
Jornalista: Gaudéncia Belo/ Remigia Locateli
Editóra : Delfina Borges
