(Dili) Musansa– Diretór Ezekutivu Fundo de Desenvolvimento Capital Humano (FDCH sigla Portugéz) Julio Aparicio hateten, FDCH revoga bolsu hakbit iha loron 23 fulan Outobru tinan 2023 Prezidenti Ezekútivu uza fuan hodi hamosu fali bolsu parsiál atu selu fali sira nia propinas.
“Nu’udar Diretór Ezekútivu ha’u nia luta mak sira hetan netik bolsu parsiál, bolsu ne’e la iha tiha ona , ami esplika katak bazeia bá aváliasaun ida entaun Governu hapara maibé, Fundu Dezenvólvimentu Kapitál Humanu (FCDH) no konséllu administrasaun ami seí iha hanoin katak hapara totál ne’e labele, tanbá ne’e mak ami buka dadus iha entaua ami tau fali bolsu parsiál atu selu sira nia propinas, bazeia bá orsamentu ne’ebé preve bá tinan ida ne’e osan la’os bá bolsa hakbi’it, tanbá bolsa hakbi’it hapara ona iha loron 23 fulan Outobru tinan 2023,” Dehan Diretór Ezekútivu FDCH Julio Aparicio, bá Jornálista iha Delta Nova Dili Kinta, (04/07/24).
Diretór Ezekútivu (FDCH) hateten katak, FDCH hamutuk ho konséllu administrasau haree katak iha balun ne’ebé la iha kapasidade atu assesu iha Universidade, tanbá ne’e mak deside selu netik sira nia propinas kaundu bazeia bá osan ne’ebé prevee la’os bá bolsu hakbi’it, maibé atu responde pedidu individuál ka bolsu parsiál rai liur no mós rai laran nian ne’e hamutuk dollar atus-lima ($500.00).
(Responde ida ne’e ami atu fó de’it subsídiu dollar atus ida lima-nulu ($150.00) kada ema ida iha tinan ida ne’e la’os kada fulan ($150.00) kada tinan ida ne’e opsaun premeiru, maibé ami nia hanoin katak ida ne’e labele responde kolega Estudante sira iha Ensinu Privadu sira, tanbá sira hosi medisina balun selu ho montante dollar atus-tolu ($300.00) balun atus-rua ($200.00) minimu liu mak atus-ida lima-nulu ($150.00), entaun labele responde bá sira barak liu mak 3031 ne’e barak liu iha Universidade privadu sira, tanbá ne’e Orsamentu iha maibé ami koordena ho Reitór ho Universidade sira para permite ema sira ne’e hala’o nafatin sira nia Estudo,” Nia afirma
Nia hatutan tan, depoiz orsamentu ne’ebé to’o trimestre haat (4) orsamentu hosi liña Ministériais la ezekúta hotu bele uza Orsamentu ida ne’e, atu selu sira nia propinas, hapara sira nia bolsu hakbi’it ne’e sira ba ko’alia sira nia Diretór eskola.
“Ha’u agora dadaun halo monitórizasaun ne’e mak hetan dadus ne’e ema seluk nia sala labele fó todan bá ha’u ne’e sira nia problema kuandu sira lakoi asina ha’u hapara entaun sira mak lakohi, halo manifestasaun hasoru bá labele haluhan Governu hapara hakarak simu ou hapara ema barak iha ne’e kuandu sira halo manifestasaun haruka ema kbi’it-laek sira hasoru malu, tanbá ema barak la hetan,” relata Nia
Diretór Ezekútivu Informa katak, labele obriga uza sira nia interese ba Governu ema barak agora terus la Eskola difisiénte barak la hetan la Eskola no labele hanoin bá sira an sorti ona Governu fasílita sira labele ameasa ema ho Estado hodi halo manisfestasaun iha fatin-fatin.
“Estudante halo manifestasaun ha’u prontu hasoru sira ha’u nunka hakfodak ida labele ameasa manifestasaun agora imi goja de’it Eskola di’ak buat hotu la’o di’ak Estudu ajuda tan ó seidauk estuda seidauk kontribui bá rai ida ne’e hakarak mak estraga de’it,” nia hateten
Diretór Akrésenta liu tan katak, Estudante sé mak lakohi bá asina hapara signifika ó mak lakoi, tanbá ne’e regras Lei tenke tuir Lei ne’ebé mak iha la iha ema ida halo tuir nia hakarak.
“Hapara tanbá iha razaun fundamentu depende haree ba orsamentu subsídiu “Custo de vida” propinas la’o 4 Milloinss resin, kada tinan 3 Mil i tal, ne’e, maibé reálidade ema la aproveita ida la Estuda, no dadus ne’ebé iha ida ne’ebé aproveita ne’e 75% Mil i tal de’it mas barak liu la aproveita simu osan hanesan funsionáriu/a ida ne’e mai halo saída, tanbá ne’e lalika fá sala bá Governu husu bá sira an rasik data fiksu bá asina bolsu parsiál iha loron 1 fulan Jullu tinan 2024.”Nia hakotu
Jornálista :Remigia Locateli/Gaudeçia Belo
Editóra: Delfina Borges
