(Dili) Mudansa– Sentru Quisadhip Ruak halo despedida ho Estudante lian Japão nian nain-tolu (3) hodi bá servisu iha koci Japão sei aranka ba iha tempu badak.
“Fundasaun sentru Quisadhip Ruak, komúnikasaun ne’e importante tenki komúnika ho di’ak, obrigadu bá manorin nain ne’ebé dedika nia tempu tinan lubuk ida iha sentru tau matan bá ita nia estudante sira, ita bele dehan susesu boot, tanbá Quisadhip ruak nia estudante sira agora nain sanulu resin-hitu (17) mak pasa ona hanesan loke dalan bá seluk sei tuir fali no ohin Sentru Quisadhip Ruak halo despedida ho Estudante lian Japão nian nain-tolu (3) hodi bá servisu iha koci Japão sei aranka ba iha tempu badak,” Dehan Fundasaun Quisadhip Ruak Taur Matan Ruak bá Jornálista sira iha Salaun Quisadhip ruak Taibesi Tersa-Feira (30/07/24)
Fudasaun ne’e sujere, ba estudante nain-tolu (3) ba servisu iha ne’ebà tenki disiplina no pontualidade.
“Ha’u husu estudante nain-tolu (3) agora bá servisu didi’ak iha Japão ne’e disiplina makas primeiru mak pontuálidade hadeer sedu to’o uluk, toba tarde segundu kúltura forti respeitu husu bá ita bo’ot sira kontinua tau didi’ak iha hanoin buat hotu ne’ebé aprende iha ne’e hodi bá aplika iha Japão,” Nia sujere
Iha fatin hanesan Embaixadór Japão bá Timor-Leste Tetsuya Kimura, mós hateten hakarak hato’o nia parabéns ba joven nain-tolu (3) husi sentru Quisadhip Ruak.
“Ha’u nia parabens bá Joven nain-tolu hosi sentru Quisadhip Ruak ne’ebé selesionadu nuda’ar klasifikante grupu da-toluk hosi programa estajiadu tekniku tinan ida ne’e nian ne’ebé sei aranka bá Nasaun Koci Japão iha inisiu fulan Agustus tinan ne’e,” Embaixadór Japão bá Timor-Leste Tetsuya Kimura hatutan
Nia hakarak agradede bá sentru Quisadhip ruak organiza ona serimonia despedida ba esudante nain-tolu (3) ne’ebé sei aranka iha fulan ida tempu badak.
“Hau hakarak agradese bá sentru Quisadhip ruak ne’ebé organiza ona Serimónia despedida ida ne’e hodi despede sira nia estudante nain-tolu (3) ne’ebé sei bá Japão hodi hala’o sira nia treinamentu estajiu tekniku iha area Agrikúltura no Hotélaria nian, agradese tebes bá kooperasaun no kontribuisaun hosi sentru Quisadhip ruak fiar katak ita bo’ot sira nakonu ho esperansa no espektuasaun atu aprende abílidade Agrikúltura no Hotélaria durante iha Japão no bainhira ita bo’ot sira fila mai sei kontribui bá Nasaun Timor-Leste nian ho abílidade hirak ne’e,”Nia afirma
Nia husu ba estudante nain-tolu nia Familia sira ne’ebé atu despedida sira nia maun, feton fiar ba nasaun Koci sei tau matan ba sora hodi diak.
” Husu familia sira ne’ebé mai despedoda ho ita bo’ot sira nia maun no feton fiar bá Nasaun koci nia ema sira sei tau matan bá sira ho di’ak tebes,koci nia ema sira iha esperénsia barak kona-bá simu estajiadu tekniku sira no sistema atu fó apoiu bá sira ezisti ona iha okaziaun ha’u nia viajen bá Japão ha’u vizita ona nasaun koci no hasoru malu ho estajiadu sira iha ne’ebá, sira hala’o moris ho di’ak tebes no esforsu sira nia an ho di’ak, ha’u imprasionadu tebes ho sira nia abílidade lian Japão ne’ebé iha mudansa bo’ot hein katak ha’u sei hasoru malu fali ho imi hotu no konservasa ho lian Japão nian iha futuru,”Nia esplika
Iha sorin seluk,estudante lian Japão Daniel Nunes ho idade 21 hosi Munisipiu Laútem hatutan, nia senti orguilu no agradese tebes,tanbá oportunidade ida ne’e nia bele pasa ho diak.
“Ha’u senti orgullu no agradese liu bá iha oprtunidade ida ne’e,tanbá ha’u bele konsege pasa ho di’ak,ami nain-tolu (3) nain-rua (2) bá iha Hospitalidade nain-ida (1) bá iha Agrifam, ha’u momentu ne’e aprende lian Japão iha tinan 2023 to’o ohin loron hetan oportunidade ida ne’e, dezafiu ne’ebé mak ha’u hasoru halai liu bá lian Japão,tanbá lian Japão ne’e difisíl tebes,maibé ami nia formadór nafatin motiva no enkoraja ha’u to’o hakat hosi dezafiu ida ne’e,” dehan estudante lian Japão Daniel Nunes
Nia esperansa bá iha oportunidade ida ne’e mak bá servisu primeiru mak tenki esforsu makas atu nune’e Governu Japão nafatin fó konfiansa Joven Timoroan hodi bá servisu.
“Ha’u husu bá kolega Joven sira nafatin estuda lian Japão ida ne’e ho di’ak dala-ruma tuir teste la liu,maibé nafatin estuda makas no esforsu atu nune’e to’o tempu ida imi mós bele hetan oportunidade ida ne’e.” Nia hakotu
Jornálista : Esperança Monteiro & Inasio Silva
Editóra: Delfina Borges
