(Díli) Mudansa-Plataforma Nasionál bá Bee, Saneamentu no Ijiene Timor-Leste (PN-BESI TL) hanesan organizasaun rede ne’ebé servisu iha setór bee-moos, saneamentu no Edukasaun Ijiene hari’i hosi organizasaun naun-Governamentál lokál hamutuk sanulu resin-haat (14),razaun prinsipál hosi estabélesimentu rede ne’e atu hola papél iha servisu advókasia bá setór Bee.
Prezidenti Bee Timor-Leste (BTL) E.P, Carlos Peloi dos Reis hatete liu husi diskursu, Instituisaun ne’ebé Estadu fó responsabílidade atu lori Bee no Saneamentu bá komúnidade sira.
“Ha’u hakarak agradese bá maluk sira hotu liu-liu parseiru sira tantu husi parte Governu
ninian nomós hosi parseiru dezenvólvimentu sira hotu inklui mós ita nia maluk sira husi Plataforma Nasionál bá Bee, Saneamentu no Ijiene Timor-Leste (PN-BESI TL) hanesan organizasaun rede ne’ebé servisu iha setór bee-moos, saneamentu no Edukasaun Ijiene hari’i hosi organizasaun naun-Governamentál lokál hamutuk sanulu resin-haat (14),razaun prinsipál hosi estabélesimentu rede ne’e atu hola papél iha servisu advókasia bá setór Bee,” dehan Prezidenti BTL.E.P, Carlos Peloi, liu hosi nia diskursu iha salaun FONGTIL, Kaikoli Díli, Tersa-Feira (30/07/24)
Governante akrésenta, ohin akompaña BESI-TL hosi SENSUS tinan 2022 nian dadus foin sira hato’o kuaze númeru ne’e iha mudansa uitoan, maibé la’ós hotu-hotu asesu bee hosi bee tornera hotu, sira halo ona buat ruma mak númeru ne’e atinje.
“Ha’u hakarak agradese bá parseiru sira hotu husi maluk ONG Internasionál sira, parseiru dezenvólvimentu liu-liu hanesan Austrália, Japan, Water-Aid, Care Internasionál, ita hotu-hotu ninia kontribuisaun mak númeru ida ne’e ita konsege atinze,” nia subliña
Nia dehan,sé iha balun ne’ebé seidauk asesu bee ho di’ak liu-liu sei iha balun ne’ebé seidauk asesu bá bee torneira, númeru asesu bá bee torneira ne’e kuaze pursentj tolu-nulu resin-sia (%39) de’it.
“Númeru asesu bá bee torneira ne’e kuaze pursentj tolu-nulu resin-sia (%39) signifika ita atu lori bee bá ema hotu ne’e ita na’in hira ne’ebé hamutuk iha fatin ida ne’e ho parseiru sira hotu ita tenki servisu maka’as liu tan atu ita bele lori bee bá ita nia komúnidade sira,hau sei la halo intervensaun naruk detallu kona-bá saída mak ita halo ona iha pasadu liu-liu BTL halo ona, ho saída mak ita sei halo bá oin atu hadia di’ak liu tan ita nia planu sira ne’e bele lori bá ita nia komúnidade sira teritóriu tomak,hakarak agradese bá hotu-hotu liu-liu BESI-TL ne’ebé ohin lori ita mai iha ne’e, bá ita nia maluk parseiru sira ne’ebé durante ajuda ona ita,” tenik Nia.
Iha fatin hanesan, Prezidente PN-BESI-TL, esmenia Laura Ximenes mós hatene, diálogu ohin ne’e hanesan dialógu públiku ida ne’ebé Bee, Saneamentu no Ijiene Timor-Leste (BESI TL) organiza atu bele organiza diskusaun ida entre komúnidade, Lider komúnitariu sira no mós Autóridade Lokál sira ho Governu liu hosi Ministériu komponente inklui ho Parlamentu Nasionál komisaun E bá asuntu infrastrutura nian.
“Objetivu hosi diálogu ida ne’e hanesan meius ida oinsá atu bele fahe informasaun no deskobrimentu ne’ebé sei hato’o direitamente hosi ita nia Autóridade Lokál no mós Lider komúnitariu sira bá iha ita nia Governu liu hosi Ministériu komponente sira nune’e bele hapara ho polítika no planu prióridade sira ne’ebé Governu iha liu hosi Ministériu komponente sira hodi bele hadia ka mellora liu tan ita nia dezenvólvimentu iha setór bee saneamentu no ijine iha ita nia rain,”Nia hatutan
Nia afirma, Líder komúnitariu sira nomós komúnidade sira ne’ebé mai partisipa diálogu ne’e sira ne’ebé mai husi munisípiu pur-vólta neen (6) ka hitu (7) ne’ebé BESI-TL liu hosi servisu hamutuk ho parseiru sira.
“Ita ba halo intervensaun, ita bá implementa atividade ida hanaran kartaun pontuasaun komúnidade hodi halo observasaun no aváliasaun, inklui mós monitórizasaun bá ita nia sistema bee rurál ne’ebé iha Munisípiu neen ka hitu ne’ebé antes ne’e ita implementa ona programa bá, ita lori komúnidade no Lider komúnitáriu sira husi munisípiu hirak ne’e bele hato’o direitamente preokupasaun no problema sira ne’ebé komúnidade sira infrenta ligadu bá asesu bee no saneamentu iha sira nia munisípiu neen (6) ne’e kompostu hosi Viqueque, Covalima, Aileu, Ermera, Baucau, Bobonaro,” nia afirma
Governante ne’e esplika, tuir dadus husi SENSUS uma-kain hosi tinan 2022 komúnidade liu-liu uma-kain sira asesu bá bee torneira públiku.
“Komumidade sira liu-liu uma-kain sira ne’ebé asesu ba bee torneira públiku sira atinje pur-volta pursentu tolu-nulu resin-sia potu lima (% 39.5) no asesu bá iha torneira ne’ebé installa direitamente bá iha uma laran foin mak atinje pursentu sanulu (%10) , entaun hosi ita nia situasaun ida ne’e hanesan Asosiasaun Rede ida ita nafatin servisu koopera hamutuk ho ita nia membru sira inklui ho parseiru dezenvólvimentu sira hodi kontinua elabora ita nia dadus, deskobrimentu sira ne’ebé iha kontinua hato’o liu hosi ita nia relatóriu ne’ebé iha, ita kontinua enkamiña bá iha Governu liu husi Ministériu komponente sira inklui mós bá iha Parlamentu Nasionál liu husi komisaun B ne’ebé tutela bá asuntu infraestrutura nune’e bele hapara ho ita nia polítika no planu prióridade sira ne’ebé iha liu-liu mós oinsá atu bele influénsia bá iha aplikasaun OJE ne’ebé aloka bá iha setór bee no saneamentu kada tinan,” tenik Governante ne’e
Nia haktuir,maibé iha situasaun aktuál BESI iha Timor-Leste tuir dadus JMP tinan 2022 relata asesu uma-kain bá bee baziku bá bee hemu iha teritóriu Nasionál no área urbana.
“Uma-kain bá bee baziku bá bee hemu iha teritóriu Nasionál no área urbana mak (%98,44) no área rurál (%81,62) saneamentu iha area urbana atinji (%71,87), área rural (%52,01),dadus sensu uma-kain tinan 2022, uma-kain ne’ebé sei asesu ba bee mota, lagoa, kolam, bee-matan no irigasaun pur-vólta (%8,7), ne’ebé kolleta udan been hodi utíliza bá nesesidade bázika (%0,2), uma-kain ne’ebé asesu ba perfurasaun (%5,5), torneira públiku (%39,5) no asesu bá torneira installa iha uma laran foin mak (%10),ita liga bá ijiene nian tuir dadus hosi JMP ninian katak pur-volta (%70) uma-kain sira seidauk asesu bá iha fasílidade ijiene ne’ebé di’ak, sé ita liga fila-fali bá iha komúnidade ninia asesu bá iha bee oinsá meius no maneira ne’ebé sira utíliza hanesan baibain katak ita nia komúnidade rurál sira bai-bain utíliza bee atu konsumu, sé atu utíliza ba nesésidade báziku hanesan servisu doméstika ninian tein, fase roupa bai-bain ita hala’o.” Nia hakotu
Jornalista: Ana Ribeiro
Editóra: Delfina Borges
