(Dilí) Mudansa – Profesores kontratadu Timor-Leste konfirma rezólusaun Ministeriu Edukasaun (ME) emplementa resposta pozetivu ezizénsia Profesores sira nian.
Profesor kontratadu Agostino Pinto hateten, objetivu ohin mai iha ne’e hato’o bá Komandu Jeral Munisipiu Dili, katak sira mai halo konfirmasaun hahú iha loron 8 – 30 fulan setembru, karta ida ne’e envia mós ba Parlamentu Nasional (PN), Prímeiru Ministru (PM), sosiédade Sivíl sira no Igreija sira hotu.
“Ami mai atu konfirma rezólusaun ne’e bainhira mak Ministeriu Edukasun (ME) atu implementa, maibé resposta ne’ebé mak ami hetan ne’e katak, sira mantein Dekretu Lei, entaun ami kosidera desizaun laiha,”denan Profesor kontratadu Agostino Pinto bá Jornálista iha Ministeriu Edukasaun (ME) (08/07/24)
Professor ne’e akresenta, rezolusaun Parlamentu Nasionál (PN) nu’udar Orgaun Soberanu ne’ebé aas liu iha nasaun konstituisaun Timor-Leste, Parlamentu Nasionál (PN) halo Lei, peskiza Lei, no peskiza programa Governu nian tanbá ne’e Profesores konsidera dezisaun sira nian ne’e la rezólve no la resposta profesor sira nia ejizénsia.
“Hahú ohin ami sei mantein toba iha ne’e han iha ne’e to’o loron 30 fulan setembru to’o sólusaun ne’ebé mak hetan tuir rezólusaun ne’ebé Parlamentu Nasionál (PN) aprova ona,” Nia lamenta
Profesor kontratadu Agostino sálienta, bá públiku katak iha loron 3 fulan Jullu nia laran, Profesor sira hasoru ona Premeiru Ministru (PM) iha resintu Palaçio Governo no Premeiru Ministru (PM) hodi rezólusaun mai iha Ministeriu Edukasun (ME) ne’e para atu rezólve.
“Karik Ministra Edukasaun no Sekretariu Estadu Domingos laiha ona kapasidade di’ak liu hato’o karta demisaun bá Premeiru Ministru (PM) para resólve problema ida ne’e, profesores kontratadu nu’udar estatutu ajente to’o ohin loron ami seidauk simu karta notifikasaun ruma kona-bá ami nia sala to’o lei Funsaun Públiku iha artigu 80 katak bainhira sala ruma karik no Funsaun Públiku tenki hato’o karta notifikasaun bá ami”Nia afirma
Nia salienta, konstituisaun to’o Lei Profesores sira senti katak Parlamentu Nasionál la vióla no Profesores sira mós la vióla, tanbá ne’e sira sei mantein nafatin iha ne’e to’o hetan sólusaun ne’ebé justu bá Profesor sira.
“Ami sei la retira hosi fatin ne’e no aban bá oin ami no kolega sira hotu sei kontinua no mantein nafatin iha ne’e ami husu mós Profesores permanente sira, tanbá ida ne’e dignidade bá Profesor sira, husu bá Profesores sira fó solidariédade nafatin bá luta ida ne’e,” Dehan Agostino
Nia dehan, tuir Kontituisaun-RDTL Artigu 50° katak dereitu bá traballu no ohin loron Estadu rekoñese ona Profesores kontratadu sira,tanbá saída mak Ministra Edukasaun implementa polítika diskriminativu no husu mós bá Funsaun Públiku tenki sai neutrálidade parsiálidade hodi asegura funsionamentu funsiónariu iha Timor-Leste.
“Rezólusaun Palamentu Nasionál (PN) númeru 15/2024/29 fulan Maiu iha ne’ebá iha númeru hatete katak prosede aváliasaun desempeñu no kontinua kontrata professor kontratadu sira,agora aváliasaun desempeñu tuir funsionariu Lei Funsaun Públiku nian Dekretu Lei númeru 19/2011 ne’e obrigatoriumente tenki halo aváliasaun desempeñu ba funsionariu públiku no ajente hotu,”Nia hakotu.
Jornalista : Zemidonio Castro Martins
Editóra : Delfina Borges
