(Dili)Mudansa – Media Mudansa (MD) ne’ebe mos hola parte iha kompetesaun KNI daruak no konsege hetan fundus, sente kontenti no apresia ba parte hotu-hotu liu-liu Ministeriu Turizmu Komersiu Industria (MTCI) no United Nations Development Program (UNDP sigla Inglesh) ne’ebe mai ho inisiativa briliante hodi estabelese Kompetisaun Negósiu Inovativu (KNI) no ohin bele gradua ona empreza nasional nain ruanolu resin rua (22), inklui Media Mudansa.
Diretor Ezekútivu Media Mudansa (MD) Manuel Adrade hateten, Media mudansa (MD) sai ona hanesan orgaun komunikasaun sosial ofisial ida ne’ebe eziste iha Timor-Leste maibe fou-foun hahu mós tuir kompetisaun no formasaun hosi negósiu Inovativu ne’ebé reáliza hosi Ministeriu Turizmu Komersiu Industria (MTCI) no hosi mos United Nations Development Program (UNDP sigla Inglesh).
“Media Mudansa hari’i iha tinan 2022 ne’ebé mak tuir Kompetisaun ida ne’e ho oportunidade ida ne’e media Mudansa mós hetan ona valór ne’ebe di’ak iha negósiu Kompetisaun ida ne’e, relasiona ho atividade ne’ebé mak Media Mudansa rasik halo mak hanesan (Digitál Tecnology) no ita hotu haree katak media Digital Tecnology ne’e mós saí hanesan negósiu ida no atividade Media nia inklui mós dijitálizasaun Multimedia nomós suplayer ekipamentus sira atividade sira ne’e mak Emprensa Media Mudansa halo,”dehan Direitór Media Mudansa bá Jornàlista iha Hotel-Timor sesta-Feira,(05/07/24)
Diretór Ezekútivu ne’e haktuir, Fundus media Mudansa (MD) hetan hosi kompetisaun ne’e konfedensiál uituan maibe ho fundus ida no aumenta ho rendimentu balun ne’ebe Media Mudansa hetan projetu sira mak hodi bele hala’o atividade media nian to’o ohin loron. Empreza media Mudansa (MD) apresia tebes fundus ne’ebe apoiu husi programa kompetisaun negósiu inovativu ne’ebe apoiu hosi MTCI no UNDP tanba ida ne’e ajuda tebes.
“Fundus ne’ebé mak emprensa Media Mudansa hetan hodi dezenvólve atividade ne’ebé mak ohin ha’u mensiona tiha ona bá atividade sira ne’ebé mak Media Mudansa halo hanesan Múltimedia Tecnologya no halo dezeñu website sira no seluk tan,” nia afirma
Nia rokomenda bá Governu Timor- Leste atu investe nafatin ba setór sira produtoivu sira, liu-liu investe ba ita nia joven sira tanbá rekonese katak Joven emprendedorizmu ne’ebé mak ohin loron hetan sertifikadu Graduadu hosi UNDP no MTCI, ida ne’e la’os esforsu ne’ebé fasíl no sira liu hosi faze ne’ebe mais kompetetivu no difisíl tebes maibe ho sira nia kreatividade, abilidade no esforsu sira bele hatudu ona ba estadu Timor-Leste katak Timoroan rasik mos bele.
“Maski hahu negosiu sempre hasoru dezafiu no problema maibe ne’e la’os impedimentu ida ba abilidade no enerjia ne’ebe joven sira iha maibe konsidera hanesan oportunidade atu kontinua esforsu hodi kontibui ba ekonimia familia no nasaun tanba ne’e husu bá Governu atu kontinua investe didi’ak ba ita nia Joven produtivu sira,”Nia hakotu
Jornalista :Zemidonio Martins/ ana Ribeiro
Editóra: Delfina Borges
