(Díli) Mudansa – Diretór Jerál, Sekretariu Estadu Igualdade (SEI), Armando da Costa, haten, sei organiza enkontru ne’e bá da-ruak hodi invólve membru referál hotu ne’ebé servisu iha area advókasia prevensaun bazeia bá Jenéru iha asuntu relasaun vizaun ninia.
“Ohin iha sorumutu ne’e membru hotu-hotu ko’ália liu bá atendementu Viólensia bazeia ba Jenéru ne’ebé presiza tau atensaun hamutuk hosi membru hotu ne’ebé mai hosi Governasaun oi-oin hosi Funsaun Governu rasik, hosi Sosiédade Sivíl nomós hosi parseira Internasionál sira, ne’ebé haknaar aan iha area ida ne’e, mai kedas ho nia asaun relevantes sira, atu hatan bá problema sira ne’e,” dehan Diretór Jerál SEI Armando da Costa, liu hosi nia intrevista, bá Jornálista sira iha salaun Maria Goreti, Edifisiu SEI kaikoli, Díli, segunda-Feira (08/07/24).
Governante akresenta, loron ida ohin membru referál sira foti oinsá labarik feto sira ne’e durante eskola iha Ensinu-Sekúndaria ne’ebé hasoru problema, maibé hakarak kontinua sira nia eskola, iha ne’e Ministeriu Edukasaun (ME) klarífika hela katak fo oportunidade liu-liu bá alin feto sira bele kontinua sira nia eskola to’o remata, iha mós prosesa sira ne’e hotu hosi Ministeriu Solidariédade Sosiál no inkluzaun (MSSI) hosi Edukasaun iha Nasionál nomós iha Munisipiu prontu apoiu.
“Seí hamutuk ho membru rede referál sira halo advókasia bá iha polítika no Lei sira ne’ebé relevante iha akordu kontinua advókasia bá iha Ministerio Edukasaun atu bele produs polítika fila hikas bá Eskola, ko’ália mós Lei Justisa juveníll bá Labarik sira ne’ebé problema hasoru ho Justisa oinsá bele hetan fasílitasaun,”katak nia.
Nia akrésenta, ho nivél advókasia hanesan pontu ida Sekretariu Estadu Igualdade (SEI) ho nia parseira sira, ne’ebé hosi bem Ministériu sira, hosi Sosiédade Sivíl ho parseira Internasionál sira ne’ebé haknar aan iha area prevensaun ka kontra viólencia bazeia bá jenéru.
Iha fatin hanesan, Diretóra Ezekútivu Fokupers, Domingas Afonso Amaral, SEI mak hola papel importante atu lidera rede Referál hanesan mekanizmu ida bá Estadu, ne’ebé maka atu asegura buat ida iguálidade jenéru sei halo nia papél ida.
“Ita invólve organizasaun sosiédade sivíl sira ne’ebé durante ne mós halo servisu bá ezisténsia feto ho labarik sira ne’ebé maka vitíma, bá ema vúlneravél sira, bá ema hotu, buat ida inkluzaun no asegura hotu hanesan mekanizmu Estadu, SEI mós invólve ona Ministeriu relevantes balun atu nune’e iha ita nia advókasia ne’e ita bele mai ho fenomena (isu) ida to’o ikus ita bele hetan nia asaun ruma,” Nia afirma
Nia hatutan, iha ezizénsia katak enkontru sira hanesan ne’e bele kontinua nafatin to’o ohin mós anota persiza invólve tan Ministeriu relevantes balun, Ezemplu hanesan Ministerio Justisa importante mós invólve parte igreja ida ne’e interasante lolós iha enkontru sira hanesan ne.
“Ita mai ho advókasia ida ho inísiu ida, ita hamutuk hodi halo advókasia sira ida ne’ebé mak autór prinsipál sira, liu-liu Ministerio Saúde sira mós iha toma konsiderasaun bá Fenomena saída, ita hakarak atu konvoka, importante tebes sebele kontinua nafatin,agora dadaun bá jenéru ita rejista iha fulan Janeiru to’o fulan Juñu ita konsege rejistu hamutuk atus-ida tolu nulu resin-ida (131) iha reportajen aas maka “Viólensia Domestika”ho tipu viólensia fiziku, la’os vitíma de’ít maka iha ne’ebá, ita mós akomoda ho dependénsia mak mai tuir vitíma sira,” Nia esplika
Nia sublina,sira dependénsia akomoda iha uma mahon, hosi Janeiru to’o fulan Juñu hamutuk Ualu-nulu resin-neen (86) Labarik, iha viólensia mós la’os Labarik mai mesak, maibé sempre mai ho inan iha númeru ki’ik mak rua (2) no númeru bo’ot maka to’o nain-lima (5), hitu (7), sira mós hasoru difikúldade balun, apoiu liga ho orsamentu.
“Bainhira alokasaun orsamentu refere liu ba vitíma de’ít, ita ladun tau atensaun bá iha dependénsia maibé haree liu bá benefísiariu bá vitíma indireita viólensia ne’ebé mak inan hasoru,” Diretóra Fokupers hakotu
Jornálista:Ana Ribeiro/Estajiada Petronela Nono
Editóra:Delfina Borges
