(Dili) Mudansa– Ekipa Lideradu Sekretatiu Estadu Asuntu Toponia Organizasaun Urbana (SEATOU) ohin organiza atividade espesífiku iha Bidau Santana ho objetivu sobu uma kain rua ne’ebé hela besik iha rate ninin Bidau Santana-Ana.
“Ohin ne’e atividade despezu admistrativa bá uma-kain rua, ne’e la’os atividade bo’ot no atividade bai-bain ne’ebé Estadu Asuntu Toponia Organizasaun Urbana (SEATOU) hala’o bá, tuir lolós ne’e hasai iha fulan hirak liu bá ho liña ida ne’e tesik ba to’o sorin ne’ebá, maibé fó mós tempu bá uma nain ne’e,nia alin sira hakarak dehan lai entaun sei fó tempu no ikus tempu ne’e sira la uza tuir dalan no Autóridade Lokál ho Ofisial Policia Suku (OPS) mai ko’alia hela de’it, Ministériu Sosiál mai hela de’it mós sira lakoi koopera, entaun iha semana kotuk ha’u fó hanoin ona bá uma nain ne’e di’ak liu prepara an ohin segunda ne’e tenki muda fatin ne’e halo didi’ak nune’e fatin ne’e bele normáliza tiha Obras Públika bele halo ona servisu, no ohin ami mai nia koopera tula ona sasan ba kareta Minsteriu Sosildadidade Sosial no Ikluzaun (MSSI) nian lori nia bá tau iha fatin ne’ebé mak nia hatudu no Ministeriu Sosiál lori sira, bá oin Obras Públiká bele hadía ona dalan ida ne’e no halo rehabílitasaun bá rate Bidau Santa-ana hodi saí tiha fatin ne’ebé di’ak uitoan iha ita nia matan, tanbá fatin ne’e estrada bo’ot bá Cristo-Rei fatin turistiku no ema hotu tenki liu hosi dalan ne’e” Dehan SEATOU Germano Santa Brites ba joranlsita iha Bidau Santana-Ana, Segunda-Feira (21/06/24)
Governante ne’e akresenta,SEATOU mós sei kontinua ko’alia ho uma kain rua ne’ebé besik iha ne’ebá husu atu koopera hodi Obras Publiká bele husik espasu liña ho rate, rate antigu halo desde iha tinan 1973 nune’e hosi rate kotuk ne’e rate jentiu.
“Komúnidade sira bá halo tiha uma no kee estraga rate hirak ne’e, rate ne’e sei la hasai maibé atu hadia nune’e bele sai fatin Istóriku ba Timoroan hotu,tanbá ne’e hanesan rate antigu bele fó espasu bá Família sira ne’ebé vizita no iha kedas,tinan ne’e SEATOU ho ekipa tomak liña Ministerias sira nia servisu maka atu normáliza sidade laran ne’e tenki la’o ho di’ak, liu-liu iha espasu públiku sira valeta ho trotoar sira ne’ebé uza la tuir dalan obrigatóriu tenki hasai,”Governante sublina
Iha fatin hanesan komunidade Abão Freitas Espritu Santo mós hateten, senti lakon nia uma no fahe malu ho nia fen naran Feliciana Barbossa no nia oan mane nain 2,maibé tanbá politika Governu ninian nia labele hasoru tanbá Povu babain ho desizaun ida ne’e halo nia fen lakohi ona nia no lori oan nain rua hela ketak.
“Antes ne’e ami hetan ona karta notifikasaun hosi Estadu Asuntu Toponia Organizasaun Urbana (SEATOU) molok mai sobu ami nia uma,maibé ho dezisaun ida ne’e hau senti lakon hau nia uma no fahe malu ho hau fen naran Feliciana Barbossa no nia lori hotu hau nia oan mane nain 2 ba hela ketak , tanbá politika Governu nian hau labele hasoru tanbá hau Povu baibain durante ne’e Governu nunka mais ajuda umanitáriu hanesan fós, mina liu hosi sentimentu umanu ema seluk nian loron kalan sempre ajuda hai fó netik etu bikan ida mai hau han, ” Nia lamenta
Iha sorin seluk vitima Maria Gaio mós hatuta, nia nuda’ar komúnidade Bidau Santa-Ana nomóss feto faluk nia mai iha sidade Dili iha tinan 1979 nia deside lakohi koopera ho Estadu, tanbà sa mak lakohi sobu ema sira halai hela nia uma.
“Mai sobu fali ami rezisténsia nia uma nia husu bá Estadu tenke fó fatin seguru ida bá ami atu nune’e ami mós moris ho di’ak.” Maria Gaio hakotu
Joanlista : ekipa MD
Editóra : Delfina Borges
