(Dili) Mudansa- Estudante Pedro Barbosa faan sigaru no pulsa hodi hakmaan nesesidade Família durante nia Estudu iha Universidade Oriental Timor-Lorosa’e (UNITAL).
Negosiante Pedro Barbosa hateten, nia nu’udar estudante ida durante ativu iha Universidade Oriental Timor-Lorosa’e (UNITAL) Fakuldade Ekonomia Departamentu Akuntansia nia hahu halo negosiu ho modal dollar tolu-nulu ($30).
“Iha momentu ne’ebá hanoin hanesan estudante ida tane liman hela de’ít bá Inan-Aman nia kbi’it ne’ebé la to’o selu ami oan sira, entaun hau foti desizaun buka moris liu husi faan sasan atu nune’e bele hakaman nesesidade familia ajuda inan-aman hamenus hosi gastus (Despezas Familiar) ne’ebé inan-aman atu fó mai oan ita,”Dehan Pedro Barbosa bá Jornálista Mudansa (MD) iha Largo Lesidere
Tersa-Feira (09/07/24)
Negosiante Pedro akresenta, hahú halo negosiu sei iha banku sester ida (I) aprende husi kolega sira katak garante no husu hela de’it ba inan-aman ne’e la diak maka nia foti dezisaun hahú halo negosiu rasik.
“Durante ne’e ha’u seí iha banku semester ida (I) ha’u garantia bá iha família de’it depois hosi ida ne’e ha’u aprende hosi kolega sira katak ita garantia bá inan-aman no família ne’e la dun di’ák,entaun hosi ida ne’e ha’u foti desizaun hahú halo negósiu bainhira ha’u seí tuur iha banku Universidade Oriental Timor Lorosa’e (UNITAL) semster ida (I) no sasan ne’ebé faan mak hanesan sigaru no pulsa hahú halo negosiu iha tinan 2022 to’o ohin loron nafatin faan,”haktuir Pedro Barbosa
Negósiante ne’e sublina,sasan sira hanesan sigaru LA,sigaru Malboro, sigaru Suria no pulsa ne’ebé faan nia sosa tutan husi loja ho presu ne’ebé mak la hanesan.
“Sigaru sira ne’ebé ha’u fa’an sosa tutan husi loja sigaru LA sosa ho niapresu Dollar sanulu resin-haat, sentavus hitu-nulu resin-lima (14.0,75) sigaru Suria sosa ho nia presu dollar sanulu resin-hitu, sentavus liman-nulu ($17.0,50)sigaru Mallboro siaa ho nia presu dolar sanulu resin-ualu sentavus lima-nulu ($18.0,50) no pulsa sosa tuir kbi’it ne’ebé iha,”nia esplika
Negosiante ne’e hateten,rendimentu ne’ebé nia hetan kadan loron bazeia bá oras ne’ebé saí husi eskola mak foin fa’an kada-vés hau hetan rendimentu ne’ebé mak kiik liu.
“Rendimentus ne’e ha’u hetan kada loron fa’an hosi eskola saí ne’e hetan osan ho montante ho dollar tolu-nulu ($30.00) bá leten ne’e maibé kiik liu,” Tenik nia
Negósiante ne’e hato’o mensajen bá maluk Joven sira no Kolega Estudante sira ne’ebé hanesan mós nia, hakarak influénsia fali Kolega sira seluk atu nune’e mai saida mak bele sustenta nesesidade moris nian
“Hau garantia bá família sei la permanenti bá ita nia moris entaun ita la’o mesak atu nune’e aprende buka moris rasik agora iha futuru mai ita lebele monu,” Pedro Barbosa hakotu
Estudante Pedro Barbosa idade 27 husi Munisípiu Manufahi Postu-Administrativu Turiskai Suku Beremana Aldeia Dalubo, no agora hela iha Postu Administrativu Dom-Aleixo Suku Manleu-ana Aldeia Laulara.
Jornálista : Zemidonio Martins /Francia Monteiro
Editóra: Delfina Borges
