(Dilí) Mudansa-Negosiante Jose de Araujo martins hateten, nesesidade moris ezizi nia hahú halo negosiu ho modál $50.00 faan Xenélus ho pasta hodi responde ba nesesidade moris lor-loron nian.
Negosiante Jose ho idade 22 oan husi Aman Florindo Soares Martins no inan Paulina da Conceição Xavier,Jose iha maun alin nain 9 kompostu husi mane nain 4 ho feto nain 5 nia mak oan da-haat husi maun alin nain 9 no nia husi Munisípiu Ermera agora dau-daun tuir kursu lian Korea iha sentru formasaun Learning Progress Development (LPD sigla Inlesh).
“Hau hahú halo negosiu ho modál dollar lima-nulu ($50.00) faan xinélus ho pasta iha merkadu Taibessi hodi responde ba nesesidade moris lor-loron nian hanesan selu kost, selu kursu no ajuda inan-aman, hau faan primeiru lori la’o haleu Taibessi laran no hau senti kolen sosa fali karosa tau sasan hodi dudu.” Dehan Negosiante Jose de Araujo martins ba jornalista Media Mudansa iha merkadu Taibessi Kinta-Feira (03/06/24)
Nia mos hatutan, dezafiu ne’ebé nia hasoru durante halo negosiu maka dala-ruma seguransa sira duni ba mai.
“Dezafius ne’ebé durabte hau hasoru halo negodiu maka seguransa sira duni ami halai ba mai deit no rendimentu ne’ebé hetan kada loron la la sufisiente hodi sustenta ba nesesidade moris nian,” Nia afirma
Nia mós sujere maluj joven mane no feto hotu karik iha tempu livre lalika husik liu deit, maibé aproveuta buka rasik osan hodi bele ajuda inan-aman nomós bá ba an rasik.
Iha fatin hanesan negosiante Imaculada Barreto mós hatutan, foti dezisaun hakotu nia estudu iha Ensinu Pre-Sekúndaria segundu klase (klas 2) hili dalan hala’o negósiu iha tinan 2020 mai to’o agora tanbà nesesidade moris mak obriga.
“Hau foti dezisaun hakotu nia estudu iha Ensinu Pre-Sekúndaria segundu klase (klas 2) hili dalan hala’o negósiu iha tinan 2020 hodi halo negosiu tanbà nesesidade moris maka obriga hau,sasan ne’ebé hau faan mak hanesan fós-rai,fore-mungu no hahan tradisionál sira seluk,”dehan negosiante Imaculada Barreto
Nia afirma,sasan ne’ebé nia faan ne’e sosa hosi ema lori mai faan tutan fali.
“Sasan ne’ebé sosa tutan husi ema lori mai hau faan tutan fali ho folin la hanesan fós-rai lata ida ho folin dollar ida ($1.00) fore-rai ka fore-mungu lata Ki’ik ida folin sentavus lima-nulu ($0.50 cemtavos) no rendimentus ne’ebe hau hetab kada loron husi negosiu ne’e mak hahú husi kiik liu maka dollar neen-nulu ($60.00) se lae dollar hitu-nulu ($70.00) boot ituan maka dolla atus-ida ($100.00),” nia salienta
Negosiante ne’e esplika, nia mama mós hala’o negósiu hotu desde tinan 2016 to’o agora no nia aman halo servisu iha foho de’it.
“Hau la moe atu halo negosiuida ne’e, maibé hau kontenti ho moris ne’e,tanbá hau ho mama halo negosiu kalan toba iha merkadu laran de’ít hodi loron faan.” Nia hakotu
Estajiada : Ligia dos Santo/ Nelia Pereira
Editóra : Delfina Borges
