(Dili) Mudansa- Diretora ATLETIL Luzia Terezinha Gusmão esplika, Istorikamente Asosiasaun Tranforma Lepra iha Timor-Leste (ATLETIL) estabelese hosi inisiativa maluk afetadu moras lepra sira ho objetivu atu halo advokasia ba direitu ema ho afetadu moras lepra no atu asegura no proteze mós maluk afetadu moras lepra sira seluk
Hosi inisiativa ida ne’e iha loron 22 fulan Maiu tinan 2022, asosiasaun ne’e hahu halo asembleia jerál no hetan legalidade iha loron 17 fulan Marsu tinan 2023. Durante asosiasaun nia ezistensia hetan apoiu finanseiru hosi Organizasaun Misaun Lepra hodi halo atividade empodera maluk afetadu moras lepra liu-liu luta ba sira nia direitu.
Maske iha tinan hirak nia laran ne’e asosiasaun hasoru difikuldade iha finanseiru maibé tanba ho prinsípiu no komitmentu asosiasaun ne’e kontinua halo sira nia atividade ho volontariu hodi advoka direitu maluk afetadu moras lepra, no hirak ne’e moris iha marjinalizadu nia laran.
Iha tinan rua nia laran asosiasaun koko atu forma grupu sira liu-liu inan feto sira ne’ebé hetan afetadu moras lepra tanba sira vulnerál tebe, asosiasaun konsege forma gurpu lima iha munisípiu Manatutu ho intensaun atu inan feto sira bele deskobre importansia hosi sira nia papél iha sira nia sosiedade. Husi grupu sira ne’e, asosiasaun fasilita formasaun, no hakbiit sira atu sira ne’e komprende sira nia lideransa iha sira nia komunidade. Alende ida ne’e grupu sira mós halo atividade órtikultura hodi bele haforsa sira nia rendimentu uma laran.
Programa sira ne’ebé durante ne’e ATLETIL halo mak kampaña sensibilizasaun ba komunidade sira tanba ita hotu hatene katak komunidade barak mak sei menus koñesementu kona ba moras Lepra no komunidade barak mós sei halo dekriminasaun hasoru maluk sira ne’ebé mak afeta Lepra. Liuhosi programa sensibilizasaun asosiasun partilla informasaun relasiona ho moras Lepra no kombate diskriminasaun hasoru maluk sira ne’ebé afetadu moras lepra.
Alende sosializa ba komunidade, Asosiasaun mós sosializa ba kada entidades governu, liu-liu edukasaun tanba estudante foinsa sae mak sai alvu hodi bele partilla tutan informasaun ba komunidade kona ba oinsa bele kombate moras lepra no diskriminasaun hasoru maluk sira afetadu moras Lepra.
Munisipiu ne’ebé tuir dadus hosi ministeriu saúde hatudu iha kazu moras lepra mak hanesan Baukau, Manatutu, Dili no Occusse, nia numeru kontinua sae no atinje ona 150 pesoas. Asosiesaun sei foku ba munisípiu ida mak hanesan Manatutu tanba rekurusu ne’ebé la natoon.
“Espesifiku ba loron ohin, asosiasaun ATLETIL ho nia membru ativu sira, realiza atividade lansamentu nasionál, hodi sosializa, halo diskusaun ba Planu estratejiku periodu 2024 ate 2027. Atividade ida ne’e, hanesan dahuluk ba Asosiasaun hodi define lalaok organizasaun nian oinsa atinje nia meta sira husi planu estrategia ba periodu 2024 ate 2027,” dehan Diretora ATLETIL iha Ambitu Lansamentu Planu estratejiku ATLETIL 2024-2027 iha Salaun ADTL Maskarinhas Dili, Segunda (28/05/2024)
Objetivu prinsípál, maka atu hala’o diskusaun hamutuk ho entedidade sira hotu, hanesan Governu liuhusi Ministeriu Saude, Ministeriu Solidaridade sosial, inkluzaun inklui parseiru hirak ne’ebé haree ba asuntu moras Lepra no defisiensia iha Timor Leste.
Objetivo prinsípál segundu mak Hakarak atu define asaun prioritariu ATLETIL nian, ba periodu tinan 2024 ate 2027 liu husi aprezentasaun no lansamentu ofisial planu estrategia refere. Define mós ho planu estrategia ba servisu Advokasia Timor-Leste.
Asosiasaun nia prespektiva maka atu hetan definitividade, iha ona entendimentu hanesan servisu koneksaun advokasia ho defisiensia sira. Entidades mak kontribui direita ba planu ne’ebé diak periodu tinan 2024 ate 2027.
Iha Sorin Seluk, Prezidente Konsellu Fiskál ATLETIL Norberta Soares hatete, Lansamentu planu estratejia Asosiasaun Transforma Lepra Timor-Leste ba periodu 2023/2027 ba servisu defende direituo ema afetadu moras lepra iha sosiadade ho komunidade.
Ohin loron marka istoria ne’ebé signifikativu jornada kolektivu husi ATLETIL ba tinan rua ho balu nian nia laran iha Timor-Leste no mai tan ho lansamentu planu estratejia ATLETIL nian.
ATLETIL ninian dedikasaun fó impaktu ba ema afeitadu moras lepra iha sira nia moris iha Timor-Leste nee rasik. Lepra hanesan moras ida mosu iha tempu uluk no asosiadu ho sitigma no mos isolasaun, hasoru susar ho terus ema afetadu moras lepra.
Ita hatene katak Saúde iha Timor-Leste halo on nia knaar importante atu kura no prevene moras lepra. Iha Timor-Leste rasik moras lepra Kontinua afeta, tanba sira nia asesu ba saúde ne’ebé mak tarde no mós problema ekonomiku.
“Maibe mós Haree impaktu husi ema afetadu moras lepra sira ninia moris ne’ebé mak iha ami nia esperansa no mos optimista, maske ATLETIL ninia existensia ho tinan rua ho balu,maibe konsege hasoru dezafiu oioin hanesan reskursu finaseiru ne’ebé maka iha maibe kontinua volontariu hosi advoka ba ema ho moras Lepra,” hakotu nia
Ekipa MD
Editor : Veraka
